Popular Bible Verses from Xa̱bo̱ Kolósa̱ 3

Share

Xúꞌkhue̱n máꞌ ga̱ꞌngo̱o̱ a̱kia̱nꞌlaꞌ ju̱ya̱-mijnálaꞌ, jamí gu̱ne̱ mba̱a̱ a̱kia̱nꞌlaꞌ ju̱ya̱-mijnálaꞌ xí mbáa gíꞌdoo xkujndu ga̱jma̱á i̱mba̱a̱ꞌ. Gu̱ne̱ mba̱a̱ a̱kia̱nꞌlaꞌ xómá rí Krísto̱ neꞌne mba̱a̱ a̱kui̱in jaꞌyalaꞌ mangáanꞌlaꞌ.

Gu̱ndxa̱ꞌwa̱-mijnálaꞌ ga̱jma̱á numuu rí ríga̱ ná mikhuíí, ra̱ꞌkhá rí ríga̱ ná numbaa ríge̱ꞌ.

Mbá jañii a̱kia̱nꞌlaꞌ gúne̱laꞌ mbá xúgíí ñajun rí nu̱ne̱laꞌ. Gu̱ne̱laꞌ asndo xó rí Táta̱ máꞌ e̱ne̱-mba̱a̱laꞌ, ra̱ꞌkhíin xa̱bo̱ numbaa.

Maphú nandoo Ana̱ꞌlóꞌ jaꞌyalaꞌ, rí asndo niraꞌwáa̱nꞌlaꞌ rí ma̱nindxa̱ꞌlaꞌ xa̱bii̱. Ikhaa jngó jámba̱ miꞌtsú ga̱ñáwíin a̱kia̱nꞌlaꞌ, ga̱ꞌne májáan a̱kia̱nꞌlaꞌ, gu̱xrígú-mijnálaꞌ, ga̱ꞌne gamakuáanꞌlaꞌ, jamí ma̱xájiꞌnáaꞌlaꞌ nacha̱ guéño.

Gatíí ajngóo Krísto̱ ná awúun a̱kia̱nꞌlaꞌ gáꞌne. Ga̱ma̱ña májánlaꞌ rí mu̱sngáá-mijnálaꞌ jamí rí mu̱xprígú-mijnálaꞌ. Gu̱sianlaꞌ inuu Táta̱ ajmúú rí na̱ꞌkha̱ ná i̱yi̱i̱ꞌ ajngóo Ana̱ꞌlóꞌ, ajmúú rí naꞌne-mba̱a̱ Ana̱ꞌlóꞌ jamí ajmúú rí nambáyúu nímia̱ꞌlaꞌ. Mbá xúgíí rí nu̱ne̱laꞌ, ga̱nindxu̱u̱ ne̱ rí nu̱tha̱nlaꞌ o mbá ñajun rí nu̱ne̱laꞌ mbo̱ꞌ, gu̱ne̱laꞌ ne̱ ga̱jma̱á numuu Táta̱ Jesús, jamí gu̱rígu̱ulaꞌ gamaku inuu Ana̱ꞌlóꞌ ga̱jma̱á majñu̱u̱ máꞌ ikhaa̱.

Rí phú i̱tha̱án gíꞌdoo numuu ñajuun rí ma̱galaꞌ ju̱ya̱-mijnálaꞌ, numuu rí ikhaa rúꞌkhue̱n ma̱ꞌne rí mbóó idxa̱ꞌlaꞌ gáꞌne.

Numuu rí ndi̱ya̱a máꞌ mbiꞌyalaꞌ ga̱jma̱á nindxu̱u̱ Krísto̱, gu̱ꞌyálaꞌ rí ríga̱ ná mikhuíí, ná ꞌgí Krísto̱ ná ñawún mújúun Ana̱ꞌlóꞌ.

Ga̱ri̱gá máꞌ xúꞌkhue̱n tsímáá rí naxná Ana̱ꞌlóꞌ ga̱jma̱á nindxa̱ꞌlaꞌ. Numuu rí ikháanꞌlaꞌ watsaꞌwálaꞌ rí ma̱nindxa̱ꞌlaꞌ asndo xó rí mbáwíi xa̱bo̱. Jamí gu̱rígu̱ulaꞌ gamaku inuu Ana̱ꞌlóꞌ.

Ikhaa jngó, gu̱ne̱laꞌ rí ma̱ja̱ñúu mbá xúgíí rí xkawe̱ꞌ rí na̱wa̱ꞌa̱ a̱kia̱nꞌlaꞌ mu̱ne̱laꞌ: nimbáa ma̱xábóo ga̱jma̱á xa̱bo̱ tsí táyáa, ma̱xáꞌne nimbá rí xkawe̱ꞌ ga̱jma̱á xuyuu, ma̱xáꞌne nimbá rí ra̱jáꞌyoo ga̱jma̱á xuyuu, ma̱xáwa̱ꞌa̱ a̱kui̱in ma̱ꞌne rí xkawe̱ꞌ. Nimbáa ma̱xáni̱gu̱u̱ꞌ rí ma̱gi̱ꞌdoo mi̱ndaꞌkho, numuu rí asndo xó rí ikhaa máꞌ rúꞌkhue̱n eꞌne-mba̱a̱ jaꞌnii.

Numuu rí ikháanꞌlaꞌ nijáñalaꞌ máꞌ, ikhaa jngó nánguá máꞌ juwalaꞌ rí mu̱ne̱laꞌ rí nandoo xuyalaꞌ, jamí Ana̱ꞌlóꞌ gíꞌdoo mújúún mbiꞌyalaꞌ ga̱jma̱á nindxu̱u̱ Krísto̱ ná mikhuíí.

Xómáꞌ xúge̱ꞌ rá, gu̱ni̱ꞌñáálaꞌ mbá xúgíí ríge̱ꞌ: ma̱xágigoo idxa̱ꞌlaꞌ, ma̱xájiꞌnáaꞌlaꞌ, mu̱xúne̱laꞌ rí xkawe̱ꞌ, mu̱xútha̱n-xkawiu̱únlaꞌ xa̱bo̱, ni máꞌ ma̱xágájnuu nimbá ajngáa xkawe̱ꞌ ná rawanlaꞌ.

Mu̱xúne̱-nduwa-mijnálaꞌ, numuu rí ikháanꞌlaꞌ ni̱ni̱ꞌñáálaꞌ máꞌ janíí xa̱bo̱ aꞌkhán tsí ninindxa̱ꞌlaꞌ nákhí wajyúú ga̱jma̱á mbá xúgíí rí xkawe̱ꞌ ne̱ne̱laꞌ. Jamí ni̱gíꞌdi̱ínlaꞌ máꞌ nijuwalaꞌ xómá jaꞌyoo xa̱bo̱ tsí nuxi̱i̱ꞌ, jamí na̱ka̱-raꞌne nuxáanꞌlaꞌ máꞌ xúꞌkhue̱n kajngó ma̱nindxa̱ꞌlaꞌ xómá jaꞌnii Ana̱ꞌlóꞌ tsí neꞌne-ku̱máaꞌlaꞌ, asndo rí mu̱ne̱-nuwii̱n májánlaꞌ.

Ikháanꞌlaꞌ táta̱ tsáanꞌ ni̱ni̱ꞌgúúnlaꞌ, ga̱galaꞌ ju̱ñu̱ú gu̱ꞌwia̱ꞌlaꞌ, jamí mu̱xúñúu̱laꞌ mi̱ndaꞌkho.

Ikháanꞌlaꞌ e̱je̱n, gu̱ne̱-mbáníílaꞌ mbá xúgíí rí naꞌthán tátiálaꞌ ga̱jma̱á nániálaꞌ, numuu rí rúꞌkhue̱n ñajuun rí na̱ni̱gu̱u̱ꞌ Táta̱.

Ikháanꞌlaꞌ nána̱ tsáanꞌ ni̱nújúnlaꞌ, gu̱ne̱-mbáníílaꞌ rí nuthanlaꞌ a̱jmbialaꞌ, numuu rí rúꞌkhue̱n jaꞌyoo rí mu̱ne̱laꞌ tsáanꞌ nanimba̱ꞌlaꞌ ju̱ya̱á Táta̱.