Popular Bible Verses from Xa̱bo̱ ebréo̱ 1

Share

Ikhaa̱ nasngájmee̱ rí phú wáá rí ñajuun Ana̱ꞌlóꞌ, jamí xómá jaꞌnii jayu Ana̱ꞌlóꞌ xkuaꞌnii máꞌ jaꞌnii A̱dée̱ mangaa. Ikhaa̱ máꞌ naxnúu̱ rí ndaꞌyóo mbá xúgíí rí ríga̱ ná numbaa ga̱jma̱á ski̱yu̱u̱ꞌ ajngóo̱. Nákhí wámbo̱o̱ neꞌne-jaꞌwáa̱nꞌlóꞌ ga̱jma̱á iꞌdiuu̱, ni̱kaa̱ mikhuíí gági̱ꞌi̱i̱ ná ñawún mújúun Ana̱ꞌlóꞌ.

Maphú mbaꞌa miꞌtsú jamí mbaꞌa inii xáne rí Ana̱ꞌlóꞌ niꞌthán-múꞌúún táta̱-xi̱ꞌñálóꞌ wajyúú mbiꞌi ga̱jma̱á majñu̱ú tsí ni̱rawíjnga̱a ajngóo̱. Xómáꞌ xúge̱ꞌ rá, rí inu máꞌ na̱ka̱-rayámba̱ numbaa, naꞌthán-máꞌánlóꞌ Ana̱ꞌlóꞌ ga̱jma̱á majñu̱u̱ A̱dée̱, tsí niꞌgíi̱ rí magu̱u mbá xúgíí rí ríga̱, jamí ga̱jma̱á majñu̱u̱ máꞌ ikhaa̱ neꞌne-ku̱maa̱ numbaa.

Numuu rí mbá xúgíin ánje̱l ñajúún xe̱ꞌ tsí nune̱ ñajuun Ana̱ꞌlóꞌ, waxúnguii̱nꞌ rí mu̱mbáñúu̱ tsí na̱ka̱-rajáwíin eꞌne Ana̱ꞌlóꞌ.

Jamí xáꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ mangaa: «Táta̱, nákhí rí ginii, ikháánꞌ nithane̱-ku̱maa ju̱ba̱ꞌ, jamí ñawáanꞌ neꞌne-ku̱maa mbá xúgíí mikhu. Mbá xúgíí rúꞌkhue̱n ma̱mbáa, xómáꞌ ikháánꞌ rá, jámuu xtaa. Mbá xúgíí rúꞌkhue̱n ma̱ꞌne wayuu xómá xtíin.