Popular Bible Verses from Xa̱bo̱ ebréo̱ 3

Share

I̱tha̱án máján rí gu̱tha̱n-máꞌán-mijnálaꞌ tsitsíí, awúun rí xóó ríga̱ mbiꞌi «xúge̱ꞌ», kajngó nimbáa ma̱xáꞌne gúkú a̱kui̱in ga̱jma̱á numuu rí ni̱gu̱ma-nduwaa eꞌne aꞌkhán.

A̱ngui̱nꞌ, a̱gu̱ya̱álaꞌ xí ndawa̱a̱ nimbáa tsí xkawi̱i̱ꞌ a̱kui̱in jamí tsínimbo̱o̱ꞌ ná majña̱ꞌlaꞌ rí ma̱ꞌne-tsíngua̱ꞌ-mina̱ꞌ ná inuu Ana̱ꞌlóꞌ tsí xtáa jámuu.

Numuu rí ikháánꞌlóꞌ nanindxa̱ꞌlóꞌ xa̱bi̱i Krísto̱, i̱ndo̱ó máꞌ numuu rí ndaꞌyóo rí ma̱wajún-gúkuálóꞌ ná tsu̱du̱u̱ rí ninimba̱ꞌlóꞌ asndo nákhí ginii.

mu̱xúne̱ gúkú a̱kia̱nꞌlaꞌ, xómá nene̱ tsí nijñaguun, nákhí mbiꞌi rí ni̱jmaa̱ Ana̱ꞌlóꞌ ná mbaa niníí.

Ikhaa jngó, a̱ngui̱nꞌ tsí jaꞌwuun, tsáanꞌ nindxaꞌwálaꞌ Ana̱ꞌlóꞌ rí ma̱nindxa̱ꞌlaꞌ xa̱bo̱ xuajñuu̱, gu̱ya̱á májánlaꞌ tsáa phú ñajuun Jesús. Ikhaa̱ ñajuu̱n tsí waxúngua̱a̱ꞌ jamí ikhaa̱ ñajuu̱n tsí jayá idxu̱ún dxakuun ga̱jma̱á numuu mbá xúgíí rí nanimba̱ꞌlóꞌ juꞌyáá Ana̱ꞌlóꞌ.