Popular Bible Verses from Xa̱bo̱ Filípo̱s 1

Share

Ikhúúnꞌ nda̱yo̱o̱ mújúnꞌ máꞌ rí Ana̱ꞌlóꞌ, tsí nigíꞌdu̱u̱n naꞌne mbá ñajun rí máján ga̱jma̱á nindxa̱ꞌlaꞌ, ikhaa̱ ma̱ꞌga-raꞌne gáxu̱u̱ ne̱ asndo mbiꞌi rí ma̱ꞌkha̱a Jesukrísto̱.

Ríge̱ꞌ ñajuun rí na̱ndo̱ꞌo̱o̱ Ana̱ꞌlóꞌ ga̱jma̱á numalaꞌ: rí ma̱ꞌga-ragaja̱a̱ máꞌ xúꞌkhue̱n rí nandalaꞌ ju̱ya̱-mijnálaꞌ. Xúꞌkhue̱n máꞌ na̱ndo̱ꞌo̱o̱ rí ma̱ma̱ñalaꞌ jamí ma̱fraꞌa̱ꞌ májánlaꞌ mbá xúgíí, ikhaa jngó ma̱goo mu̱ra̱ꞌwíílaꞌ rí i̱tha̱án máján. Xkuaꞌnii ma̱ꞌne jaꞌwu a̱kia̱nꞌlaꞌ jamí ma̱xáríga̱ nimbá rí ra̱máján mi̱ꞌthán ga̱jma̱á numalaꞌ ído̱ rí ma̱ꞌkha̱a Krísto̱.

Numuu rí ikhúúnꞌ xtáá ma̱ne̱ rí nandoo Krísto̱, jamí xí nijáñuꞌ rá, i̱tha̱án máꞌ máján ikhaa.

Mbámbá rí na̱rmáꞌáan a̱kui̱nꞌ ja̱ya̱ꞌlaꞌ, na̱rígu̱u gamaku ná inuu Anu̱ꞌ Mikhuíí ga̱jma̱á numalaꞌ.

I̱ndo̱ó máꞌ na̱nda̱ꞌa̱ꞌlaꞌ, a̱ngui̱nꞌ, rí ga̱juwalaꞌ xómá jaꞌyoo ajngáa máján drígo̱o̱ Krísto̱. Ikhaa jngó xí naka gáya̱ꞌlaꞌ o tsíka mbo̱ꞌ, ma̱dxawuun rí kuajún-gúkuálaꞌ ga̱jma̱á mbóó a̱kia̱nꞌlaꞌ, jamí mbá ꞌnduꞌ nu̱ñajunlaꞌ ga̱jma̱á numuu rí nanimba̱ꞌlóꞌ juꞌyáá Ana̱ꞌlóꞌ xómá naꞌthán ajngáa máján.

Phú naꞌne a̱kui̱nꞌ, jamí gúꞌthu̱u̱n ga̱jma̱á mbá jañii a̱kui̱nꞌ ná inuu Ana̱ꞌlóꞌ rí ma̱xágájnuu nitháan gamakuꞌ. Numuu rí phú naꞌne jañii a̱kui̱nꞌ rí mbá xúgíí mbiꞌi mi̱ꞌthán rí máján numuu Krísto̱ ga̱jma̱á nindxu̱ꞌ. Ikhaa máꞌ gáꞌyoo xí xóó xtáá nda̱ya̱ o xí ma̱ja̱ñúꞌ mbo̱ꞌ.

Numuu rí ikháanꞌlaꞌ nijanálaꞌ rí ma̱nimba̱ꞌlaꞌ ju̱ya̱á Krísto̱, xúꞌkhue̱n máꞌ mangaa nijanálaꞌ rí mu̱míni̱ílaꞌ ga̱jma̱á numuu̱.