Popular Bible Verses from BaKkolose 3

Share

kamukkazikilene moyo alimwi naakuti umwi wanu ujisi kaambo atala amweenzinyina, amulekelelane; mbuli Mwami mbwakamulekelela, aboobo alubo mweelede kulekelela.

Amupangike miyeeyo yanu kuzintu zili kujulu, peepe kuzintu eezyo zili anyika

Kufumbwa nzimuyoochita, amuchite amoyo woonse, mbuli kubelekela Mwami alimwi peepe bantu

Nkikaako mbuli basale baLeza, basalali alimwi bayandwa loko amusame aluse abuuya abazikatide akulifwiinsya alimwi amoyo mulamfu

Amuleke ijwi lyaKkirisitu likkalilile mulindinywe mubwiingi bwalyo, amuyiisye akusungilizyaniya mubusongo boonse, amukwiimba intembawuzyo amalelebu anyimbo zyamuMuuya anyimbo zyakupa kulumba mumoyo yanu kuliLeza. Alimwi kufumbwa nzimuchita, mujwi nikuba mukuchita, amuzichite zintu zyoonse mukwiinda muzina lyaMwami Jesu, kamupa kulumba kuliLeza Taata mukwiinda mulinguwe.

Alimwi atala azintu zyoonse eezi amube aluyando, oolu nduundulo lukamantaniya aamwi zintu zyoonse munzila iluleme.

Eelyo kuti naa mwakabusigwa aamwi aKkirisitu, amuyandule zintu zili kujulu, ooko Kkirisitu nkwabede, nkwakkede kuluboko lwakululyo lwaLeza.

Amuleke luumuno lwaKkirisitu lwendeelezye mumyoyo yanu, mulindulo mumwaakayitwa mumubili uumwi. Alimwi amupe kulumba.

Nkikaako amujeye eezyo zyamunyika zili mulindinywe, zilimbuli malalano abusofwazi azisusi zyamubili aziyandisyo zyabubi abusindya alimwi chaamba kukomba mituni.

nkaambo inywe mwakafwa, alimwi buumi bwanu bulisisidwe aamwi aKkirisitu muli Leza.

Pesi lino amusowe zyoonse eezi, zilimbuli lunyemo abukali kusula akusampawula alimwi amatusi kuzwa mumulomo wako.

Mutabejelani pe, mbukunga mwakazuununa buntu bukulukulu anchito zyayo alimwi mwakasama buntu bupya, chaamba kubukulisigwa muluzibo lwakwe amuchiimo chayooyo wakachilenga.

Nibalumi, amuyande banakazi banu, alimwi mutabaluvukili.

Nibana, amuswilile bazyali banu muzintu zyoonse, nkaambo eechi chibotezya Mwami.

Nibanakazi, amulibombye kubalumi banu, mbuli mbulikweleede muMwami.