Popular Bible Verses from Utumbulilu 9

Share

Kabhete Chapanga akapwaghike, “Hajeji nde nginyulila ja lulaghilu jemeka pachilanda jangu nepani na mwehapa na kila chiumbi chechibhi chomi papamu na mwehapa kwa ibheleku yokapi yeihika hata mileli. Meka lusisi lwangu kumahunde, nalwombi analubya nginyulila ja lulaghilu pachilanda jangu nepani na ndema.

Chikahi chokapi lusisi lwa ihula palwibhonikanaje kumahunde, ananulubhonaje na kulukomboka lulaghilu loniholu lwa mileli pachilanda jangu nepani na ihumbi yokapi yeibhi na womi pundema.”

Jokapi joanaajitala mwahi waka mundu, najombi mwahi waki anaujitalika na mundu, maghambu mundu akabhombakiki kwa ulenganesu waka Chapanga.

Chapanga akumpengalili Nuhu na bhana bhaki, akabhapwaghilaje, “Mbelakanaje na kujonjukeka, mkautwelakya ndema.

Hinyama yokapi yeibhi yomi anaibya chilebhi chinu, ngati monakumpekihe makolu gha mahamba kubha chilebhi chinu, bhelabhela numpekeha na ayeyi yokapi.

Kila chinyama cha pundema, hijuni yokapi ya kunani, ihumbi yokapi yeikwabha panani ja ndema na homba yokapi ya mubahali anayunjoghupa na kunhola mwehapa. Yokapi ibhekakiki pahi ja lujiniku lwinu.

“Mwehapa, mbelakanaje na kujonjukeka, mbelakanaje pundema na kujonjukeka pundema.”