Popular Bible Verses from Zhâŋ 1

Share

Ntsʉ́ʼmbɛ ne pɔŋ pɛ́ pɔ́b ghəyɛ́ wé nɛ́, mbó ndǎ ne tíí yé tséʼé psyɛ́ndzɔʼ nɛ́, a fɛ́ tʉ̌ŋ ne pɔ́b ne mbéne pɔ́ŋ Mboʼmvé.

A kɛ ghɛ́ mbɛ́ ne ndzyě mvé, mbǒ Nsó kɛ pě mbé, Nsó wéré pé pú Mboʼmvé. Nsó wéré kɛ ghaŋá mbɛɛ Mboʼmvé.

Ŋkaʼmɔ́ɔ́ kyaʼa ndzɔ́ʼɔ́ ndzə́ndzə́b, Ndzə́ndzə́b pó mbé psyɛ́ wé pó.

Nsó wéré kɛ séd ntsúʼ ŋumesɔŋ, Ntsó tsetsɛrɛ piŋi, Foʼ ndzəndzoʼ pú no sísíŋ yúŋɔ́ ndzó ndzɔʼ yé, Piŋi zhʉ́ ghɛ́ɛ́ yé. Ghɛ́ɛ́ wéré twɔ́ pwó Mboʼmvé, yé wɛ́ a Tɛd yé. Mbé ghɛ́ɛ́ wɛ́ Mboʼmvé kɛ fɛ́ pwó kʉ́yé Mɔ́ŋ yé nɛ́.

Ŋkɔŋɔ yɔ́b náá kɛ záʼá pwó yé mbɔ́rɔ́ mbɛ, Cyó yɔ́b yɛ́ a kɛ pe kii ke ndzáʼá pwó yé nɛ́, ghú pó. Tsómvé kɛ pɛ́ɛ́ pwó yé. Tsómvé yéré pé ŋkaʼmɔ́ɔ́ pwó pumésɔŋ.

Keemvé, Zhâŋ zhʉ́ njʉ́ Yěsô kɛ kʉ́yó pfuŋ yé nɛ́. A nsó ŋgâ: «Yɔŋ mɔ́ŋvó njʉyǐnjʉyî wɛ́ Mboʼmvé túbú kəpɔŋ pumésɔŋ nuŋ nɛ́.

A kɛ pɛ́ mvé. Mvé pó ŋgɛmbɛ, ndzáʼá pwó yé. Ntsʉʼmbé mvémvé pe zí wé pó. A kʉ́yó kpaʼ yóʼó pɔŋ pé, Pɔŋ pé pe ghəyɛ́ wé pó.

Nsó wéré kɛ pé ndáá ŋkaʼmɔ́ɔ́, wɛ́ a kɛ kʉ́yó mvé pe ne kyáʼane ŋkɔŋɔ pumésɔŋ náá nɛ́.

Njʉ́ Mboʼmvé kɛ zaʼa pwó Mǔsê fɛ́ kaŋ nɛ́, foʼndzəndzoʼ ne no sísíŋ ke ndzáʼá pwó Yěsô Kristo.