Popular Bible Verses from Zhâŋ 4

Share

Mboʼmvé pɛ́ɛ́ Zhʉye. A zhyɛ́ yéré, a zɔŋɔ ŋgâ pɔŋ pɛ pɔ́b ghúʼɔ wé nɛ́, ghɛ́ ŋguʼɔ wé, a tsyaŋa Zhʉye yáŋme pwɛ no sísíŋ tsyáŋa wɔ́b.»

Ntsʉʼmbé, ŋkhoʼmvé tsé ŋkʉ́yó, a kɛ kuʼu seb, yɛ́ pɛ ndáá ghaŋághuʼɔ Tɛd, ŋgɛ́ ŋgúʼɔ wé, a tsyaŋa Zhʉye yáŋme pwɛ no sísíŋ tsyaŋa wɔ́b. Yekénɛ́ ghaŋá nɛ́ mbé kpaʼ ghaŋághúʼɔ́ Mboʼmvé pɛ́ a taʼa nɛ́, yé wɛ́ a Tɛd nɛ́

Ntsʉʼmbé, ŋɔŋ wɛ́ a náʼá nɔ́ nse wɛ́ mə ŋkʉ́yó fɛ́ pwó yé nɛ́, naʼ mbó tséʼé ndzyě nse ŋkʉ́rʉ́ pó. Nse wéré wɛ́ mə náʼá fɛ pwó yé nɛ́, náʼá mbó ghɛmbɛ́ mbəb yé, mbɛ́ɛ́ taʼ sáʼá syé, wɛ́ a ŋkhú, fɛ tsómvé ŋeŋáŋ pwó yé nɛ́.»

Yěsô pɔ́rɔ́ pwó yé ŋgâ: «A ghɛmbɛ wo zɛ́ yɔ́b yɛ́ Mboʼmvé fɛ́ nɛ́, mbó ndzɛ ŋɔŋ wɛ́ a tsɔ́ pwó wo kɛ́ʼɛ́ ŋgâ: “Fɛ́ nse mə nɔ́” nɛ́, mbǒ a psírí wo mviri nse pwó yé, a fɛ́ nse wɛ́ a fɛ́ tsómvé nɛ́ pwó wo.»

Yěsô tsɔ́ ne pɔ́b ŋgâ: «Mwɔ̌zó páá, a ŋgyɛ̌ne no yɛ́ ŋɔŋ wɛ́ a twɔ́ ya nɛ́, zɔŋɔ nɛ́, pwɛ měne faʼ yé.

məŋgʉ́yé wéré tsɔ́ pwó yé ŋgâ: «Ntsɛɛpɔŋ, wo tséʼé mbɛ luŋgáá ŋkɔŋɔ pó, píínse pó see! Nse tsómvé wéré, tɛ́ wo njʉ́ pɛ́ɛ́?

məŋgʉ́yé wéré tsɔ́ pwó yé ŋgâ: «Mə ndzé ŋgâ taʼ kristo náʼá ŋkʉ́yó, ŋɔŋ wɛ́ Mboʼmvé tsɔ́ʼɔ́ wé mbó núʼɔ́ wé nɛ́. Ŋkhoʼyɛ́ a náʼá ŋkʉ́yó nɛ́, a keʼ ŋkɔŋɔ meno náá ne psi.» Yěsô pɔ́rɔ́ pwó yé ŋgâ: «A mo nɛ́, mo wɔŋ wɛ́ mə ntsɔ́ pwó wo kaʼa nɛ́.»

«Puŋ kʉ́yó nɛ́ njʉ́ taʼ ŋɔŋ wɛ́ a səŋɛ ya ne ŋkɔŋɔ meno pɛ mə kɛ zhyɛ́ náá nɛ́. A kɛ́ʼɛ́ mbé pe yé mbé Kristo pɔɔ?»