Popular Bible Verses from Zhâŋ 6

Share

Yěsô pɔ́rɔ́ ne pɔ́b ŋgâ: «A mo mbé mwɔ̌zó pɛ́ a fɛ́ tsómvé pwó pɔŋ nɛ́, a pɛɛ yɛ́ ŋɔŋ kʉ́yó ne mo nɛ́, mbǒ ndzye ké naʼ ndzí wé ŋkʉ́rʉ́ pó. Mbéyɛ́ ŋɔŋ psyɛ́ ya nɛ́, mbǒ ywʉ́ yé náʼ mbó ké ndzuwɔ ŋkʉ́rʉ́ pó.

A fɛ́ Zhʉye yáŋme fɛ́ ndáá tsómvé. Tɛɛmbɛ ŋumesɔŋ ne tómbəb yé pe zhyɛ́ cyó yɔ́b pó. Nsó pɛ́ mə ntsɔ́ ne puŋ nɛ́, twɔ̌ pwó Zhʉye Yáŋme. A po fɛ́ yé fɛ́ tsómvé.

A zɔŋɔ ŋgâ puŋ ntsɛ́ ne faʼ, mbé táʼá ndaʼ mɔ́b pɔŋ pɛ́, mvé ŋgɛ ŋkee a púbú nɛ́ pó. Ntsʉʼmbé, puŋ sáʼtʉŋ, ntáʼá mɔ́b pɛ́, ŋɔŋ zɔ, a fɛ́ tsómvé ŋeŋáŋ nɛ́. Mɔ́b pɛ Mɔ́ŋ ŋɔŋ ŋkʉ́yó fɛ́ ne puŋ nɛ́, ŋkyé ŋgâ a yé mbé ŋɔŋ wɛ́, Tɛd wɛ́ a Mboʼmvé nɛ́ kɛ ŋkiŋɛ wé ne yé máŋ nɛ́.»

Ŋkɔŋɔ pɔŋ pɛ́ pɔ́b zhʉ́ ya, mo wɛ́ mə Mɔ́ŋ nɛ́, tséʼe psyɛ́ndzɔʼ mbəb mo nɛ́, ntsɛʼɛ tsómvé ŋeŋáŋ. Mo, mə náʼá mbó njʉyɛ́ wɔ́b ne vó ne zhyémve njʉyí ndzəb. Yekénɛ́ yɔ́b yɛ́ nɛ́ Tɛd ya zɔŋɔ nɛ́.»

Yěsô pɔ́rɔ́ ne pɔ́b ŋgâ: «No yɛ́ Mboʼmvé zɔŋɔ ŋgâ puŋ zhyɛ́ nɛ́, pɛ́ɛ́ ŋgâ puŋ tséʼé psyɛ́ndzɔʼ mbəb Ŋɔŋ wɛ́ a twɔ́ nɛ́.»

Ŋkɔŋɔ pɔŋ pɛ́ Tɛd fɛ́ ne mo náá nɛ́, náʼá ŋkʉ́yó pfúŋɔ́ mo, ŋɔŋ wɛ́ a kʉ́yó pfúŋɔ́ mo nɛ́, mə náʼá ntɔ́ʼɔ́ wé pó.

Símo Pětro pɔ́rɔ́ pwó yé ŋgâ: «Ntsɛɛpɔŋ, psi ŋgú pfúŋɔ́ wɔ́? A wo tséʼé nsó tsómvé ŋeŋáŋ.

Mə mwɔ̌zó pɛ́ a shʉ́yí pépéé, fɛ́ tsómvé nɛ́. Ŋɔŋ wɛ́ a ŋkʉ́yó ndzɔ̂ mwɔ̌zó péré nɛ́, náʼá ntsɛ́ʼɛ́ tsómvé ŋeŋáŋ. Mwɔ̌zó yɛ́ mə ŋkʉ́yó fɛ́ nɛ́, a ndzáb mbəb ya yɛ́, mə fɛ́ kɛ́ʼɛ́ ŋgâ ŋkɔŋɔ pumésɔŋ náá tséʼé tsómvé nɛ́.»

Tɛɛmbɛ ŋɔŋ pé kʉ́yó ne mo kii a tsyaŋa Tɛd wɛ́ a twɔ́ ya nɛ́, tsyáŋa wé pó. Mo ya, mə ŋgɛ́ náʼá njʉyɛ́ wé ne vó ne zhyémve njʉyí ndzəb.

Ŋkyé ŋgâ, mwɔ̌zó pɛ́ Mboʼmvé fɛ́ nɛ́, a ŋɔŋ wɛ́ a shʉ́yí pépéé nɛ́. A pó fɛ́ yé fɛ́ tsómvé pwó pumésɔŋ.»

Mə mwɔ̌zó pɛ́ a fɛ́ tsómvé nɛ́.

Néré Yěsô yɔ́ɔ́ mbré, fɛ́ ŋgúʼune pwó Mboʼmvé, ŋgɔbɔ ne pɔ́b. Ké mbó ŋgyɛ́ néré ndúŋú ssó. A fɛ́ ne pɔ́b njʉ́ mbɛwɔ̂ kɛ zɔ́ŋɔ nɛ́. Ŋkhoʼyɛ́ pfob yɔ́b kɛ zód nɛ́, Yěsô tsɔ́ pwó ŋgíŋgye pe ŋgâ: «Puŋ yéré tiʼé pe pɛ́ a tsʉ́ʼ nɛ́, kɛ́ʼɛ́ ŋgâ cyó yɔ́b ndɛ mbwó.»

Pɔ́b kɛ tswé páŋ ne ywɔ́ kílo metaa yítaŋ kii yintóó kɛ́ʼɛ́, njʉ́ Yěsô nyí ndúŋú kɔbɔnse, ŋkʉ́yó pfúŋɔ́ páŋ. Néré pɔ́ɔ́ gbáá wɔ́b, ntsʉʼmbé Yěsô tsɔ́ ne pɔ́b ŋgâ: «A kpaʼ mo, kii puŋ ndɛ mbɔ́ɔ́!»