Popular Bible Verses from Luk 23

Share

Jisọs ama ọdọhọ ete, “Ete, fen nọ mmọ koro mmọ mifiọkke se mmọ enamde.” Ndien mmọ ema edeme mme ọfọñ Esie ke edisin afia.

Jisọs ama ọbọrọ enye ete, “Ami ntiñ akpanikọ nnọ fi nte, mfin emi afo eyedu ye Ami ke Paradais.”

Ndien enye ọdọhọ Jisọs ete, “Ọbọñ, ti mi ke ini Afo edidide ke ubọñ Fo.”

Ndien Jisọs ofiori ke ọkpọsọñ uyo ete, “Mmayak spirit Mi nsin Fi ke ubọk.” Ke ini Enye ama eketiñ mme ikọ emi, Enye ama ọduọk akpatre ibifik.

Ke ini emi mmọ ekesimde ebiet emi mmọ esikotde “Ñkpọkpọrọ,” do ke mmọ ekekọñ Jisọs ke krọs ye mme oburobut owo iba oro, kiet ke ubọk nnasia Esie, eken ke ubọk ufien Esie.

Ke ñkpọ nte ufọt uwemeyo, ñkanika duopeba, ekim ama ofuk ofuri iso isọñ tutu osim ñkanika ita uwemeyo. Uñwana utin ama enime ofuri ofuri. Ndien ọfọñ ikpehe Edisana Ebiet ama asiaha ke ufọt iba ọtọñọde ke enyọñ tutu osim isọñ.

Ke ini etubom mbon ekọñ Rom emi ekesede ñkpọ abaña ñkpa Esie okokutde se iketibede, idem ama akpa enye eti eti, ndien enye ama etiñ ete, “Ke akpanikọ, owo emi ekedi edinen owo.”