Popular Bible Verses from Matiu 17

Share

Enye ama ọbọrọ mmọ ete, “Oto ke ntak ekpri mbuọtidem mbufo,” koro edieke ekpenyenede mbuọtidem emi ekpride nte ñkpasip ofriyo kiet, emekeme ndidọhọ obot emi ete, “Wuhọde mi, ka kọwuhọ ko,” ndien enye eye ọwuhọde. Baba ñkpọ kiet idisọñke ikan mbufo ndinam.

Enye ke eketetiñ ikọ, sese afia ntuhube ye uyama eto ke enyọñ ekan mmọ okuk, ndien uyo ama oto ke ikpaenyọñ emi eketiñde ete, “Emi edi edima Eyen Mi, emi enemde mi esit, mbufo ekop uyo Esie.”

Jisọs ama ọbọrọ ete, “O mbufo mbio emana emi enanade mbuọtidem, enyuñ ekwañade ido, adaña didie ke Ami ndidu ye mbufo? Adaña didie ke Ami ndiyọ mbufo? Da enye sọk Mi.” Jisọs ama asua ọnọ ndedehe spirit emi ekesinede eyen oro ke idem; ndien enye ọkpọñ enye, ndien ke ndo ndo oro eyen oro ama okop nsọñidem.