Popular Bible Verses from San Lucas 24

Share

¡Chitampe'! Kintaq nuloq Tyoxlaj Uxlab'xel iwuk' che ub'im chik nQaw che kuya na chiwe. Per chixkanaj kan chi' chpam tinmit Jerusalén, ast retal echi' kqaj uchu'ab' Dios iwuk' che kpi chkaj. —Jala xub'ij Jesús chke nk'aj udiscípulo.

Nachi che kitzkuj, ot chik chi', xk'astaj uwuch chikxo'l nk'aj kamnaq. Chna'taj chiwe sutaq xub'ij kan chiwe echi' o na iwuk' jala Galilea.

Tik'ri k'ut, peche mow xtortaj kwuch keb' rich'il y xikch'ob' uwuch Jesús, per xaq t'et xsach Jesús chikuch, xkil t chuwuch. Ena xikmaj ub'ixik chikuch, xikb'ij: —¿Le xa xi'xow t k'ut qanma' rmal ki'ktem echi' xujuch'ab'ej ptaq b'e y kitjin che ub'ixik utzij Dios chqe, che tz'ib'tal chpam Tyox Wuj? —xiche chikuch.

Jawa xub'ij chke: —Tz'ib'tal kanoq che nmister kutij k'ax ri Cristo, xchay rmal Dios. Kkamsax na, tik'ri kk'astaj uwuch chikxo'l nk'aj kamnaq churox ij, kcha'. Soq tz'ib'tal kanoq che nmister kb'ix utzij Dios pub'i' ri Cristo chpam runjel jumpa tinmit o chi' chuchlew, nab'e kmajtaj loq ub'ixik jala chpam tinmit Jerusalén. Jare kb'ix chke mnaq che nmister kikk'ex kpinsar, kikya kan u'anik kmak, rech kikriq kuyb'al kmak ruk' Cristo, kche chke.

Echi' xiyo'pnik, ti xkilo tel chkan uchi' un jul jachi xmuq Jesús, walqtim chub'i un nim tz'lom ab'aj che kjom che tz'apb'al uchi' un jul. Nk'aj ixqib' xiyok b'i chpam un jul, rech kkitzkuj ucuerpo Qajaw Jesús, per xikriq taj.