Popular Bible Verses from 1 Abakorinzo 13

Share

Obuheeli bwisimilisinjia, nibukhola akeshisa; obuheeli bubula imbalikha; obuheeli shibwiboola ta, shibwiekinjimisia ta, shibukhola akarakhoyeele ta, shibukhaabanga akabwo obwene ta, shibusinyikhanga ta, shibwitsulilanga amabii aka bukholelwa tawe

bwifwila kosi, busuubila kosi, bunaaya kosi, buralila mukosi.

shibwikhoyela obumayaanu ta, ne bwikhoyelanga obwatoto

Kho akatsiilililanga ngakano, mbu obusuubili, obunaayi, obuheeli, ako kataru; ne khuko, elishila kosi nobuheeli.

Obuheeli shibuhweelelelanga ta; ne kata obulakusi nibuliho, bwitsa okhwakama; kata tsinimi nitsiliho, tsiitsa okhuhwaho; kata obumanyi nibuliho, bwitsa okhwakama.

Ne bulaano enzitsa omumumanyia injila eyishila obulayi. Kata nimba nimboolela mutsinimi tsiabandu netsiabamalaika, ne nimbula obuheeli, endi butswa shinga omukasa okulanjilila, kata ebisili ebisaala.

Ne kata nindi neshihaanwa shiobulakusi, ningamznya amabiso kosi nende obumanyi bwosi; kata nindi nobusuubili bwosi, obwakhanyala okhusitia tsingulu, ne nimbula obuheeli, shindi eshindu ta.

Ne kata ningabila abatakha emiandu chianje chiosi banyoole eshiokhulia, nende okhuhaana omubili kwanje kusambwe mumulilo, ne nimbula obuheeli, shikungaasila eshindu ta.

Olwa ndali nindi omwana, ndasunganga shinga omwana, ndapaaranga shinga omwana, ndayililisiniia shinga omwana, bulaano olwa endi omundu oukhulile, ndayeebalile akolwana.