Popular Bible Verses from Mika 4

Share

Okhuba tsimbia tsiabandu tsiosi tsichendanga, buli luyia muliira lianyasaye wabwe; neefu khulachenda muliira liOMWAMI Nyasaye weefwe ebisoni nebisoni.

Amahanga amanji kalatula, nikaboola kari Chende khuniine khushikulu shiOMWAMI, enanzu waNyasaye waYakobo; naye alakhwechesia aketsinjilatsie, neefu khulalonda khumihandachie; okhuba okhurula muSayuni mulatulamwo obwibaali, nelikhuwa liOMWAMI okhurula eYerusalemu.

Ne mundaalo tsiolunyuma eshikulu shieinzu yOMWAMI shilasinjisilibwa khubutenje bwebikulu, nishichinguulwa hekulu webikulu; natsio tsimbia tsiabandu tsilaarililanga nitsitsiayo.

Naye alakabukhasia hakari wetsimbia tsinyinji tsiabandu, nayaasia hakari wamahanga akamaani akashili ehale; nabo baleeraanya tsinganga tsiabwe tsibe tsimbako, namafumo kabwe kabe emiremelo; lihanga lindi shililachinguulila lihanga lindi olukanga, kata shibaleeka akelihe khandi ta.