Popular Bible Verses from Luug 3

Share

Daaŋ baad abooz babodom, Yees se gabodom. Daaŋ lu gasamaag, Yul lagangag ibun Muhuuŋ Agelel gadye atal Ande mu nzil ya lud nga lupomb. Ndaag imos yawagaan gu Yul ndaa: «Wuleen Mwaan ame wu luzol; ngugaga gyees gyavul mumbad a nze.»

Ibun Yowaan gabalees abooz ndaa: «Me, yilubodog ande mazya; gaanz wun wawiy gungoy ame, wanga ndig mu ngol. Loo yimaluuŋ ada mu gugudul misiiŋ mi bilaad byande. Nde, galubodog mu Muhuuŋ Agelel ande mu mbaa.

Lusongos mu biliim ndaa lasobo. Lubomon gumiwagleen ndaa: “Abalaham gil kaag abiis.” Pamb loo yaululees Nzaam gafed gubalaman midoy milabal adeel mimagidig badigil ba Abalaham.

Sog lulu mu guyilimanaan mumbad gugyel midi gun misos. Ibun goonz mudi udaag mbeeŋ ya piim, ba mu gyele ande gumupiinz gu mbaa.»

Bwabun mya gugusaam maamb masonog munsuun paan Ezay mu mugaand ande: «Ndag imos yabalabog mu maan mawum: Luyilig nzil mumbad a Mfum, Lu mu yiligeen misog mya syalalaa! Biwaand abyooz bu byayuul, misel amyooz mya leey ande migidin bumyadya; manzil mamakoon bu masungum, baziig mazun ma manzil ma mbi. Ibun baad abooz bu badeel lugulug la Nzaam.»