Popular Bible Verses from San Juan 14

Share

Chenu nziaꞌla liquia nú nzuxe arquiꞌhua, nu liꞌá la nitsiane tucu nú rni bee bene iliulabe xne liꞌá neli liquine luhua. La chenu arquiꞌhua nu la lliquihua.

Che ucuaqui Jesuse, nú uninu: ―Liꞌá neca inziu zeꞌe, nu nú neli neca, nu elu nehuañi. Equie cuendaꞌ liꞌitsia nuꞌ modo riña bee bene lu Pa Diose liñibe.

’Chequie uni Jesuse lubeella: ―La chenu arquiꞌhua, uchili arquiꞌhua Diose, nu uchili arquiꞌhua liꞌá.

pero Espíritu Santo enu xeꞌla Paa Diose equie cuendaa, liꞌinu duꞌnu ana arquiꞌhua nu zeteꞌnu liꞌihua yeene, nu elluꞌcu arquiꞌnu liꞌihua ye beenú unila luhua.

Enu rduꞌ equie stichiaꞌa nu sucuꞌe, nzeꞌe rlubeꞌ nú neli seca liꞌá. Nu enu seca liꞌá zeca Pa Diose nzeꞌe, nu leꞌca zecaa nzeꞌe, nu lubea lu nzeꞌe nú ti necaa.

Nu liꞌá nacua lu Pa Diose para nú xeꞌlanu stucu enu duꞌ ana arquiꞌhua nu yaꞌnalínu cuna liꞌihua. Liꞌinu necanu Espíritu Santo enu rni nú neli neca, bee bene enu laca bee benea leca modo yucu arquiꞌbeei liꞌinu. Xne la lañiꞌ beei liꞌinu nu la chulu beei liꞌinu. Pero liꞌihua nuꞌluhuanu xne nzunu cuna liꞌihua nu yaꞌnalínu arquiꞌhua.

Nu ye nú nacuꞌhua lu Diose equie cuendaa liꞌá liquine. Para nú equie cuendaꞌ lliꞌñinu acachee poder nú rluꞌcu Pa Diose. Xitse nú nacuꞌhua lu Diose equie cuendaa, liꞌá liquine.

’Tunu liꞌihua secahua liꞌá, zuꞌcuhua stichiaꞌa.

Elu nzucu Pa Diose chiquiꞌ nuꞌ luguare elu cuaꞌa bee bene nuꞌ, xne tunu leca luhuare liꞌá lá ania luhua nú nze tsucheꞌa elu cuaꞌahua.

Nu chenu uyatsucheꞌla elu cuaꞌahua, che nzela stucu bese para nú nzela tucuaꞌahua para nú cuaꞌahua elu zucuaꞌa.

Chequie uni Tomás lunu: ―Detá, la biyaꞌru cá nzalu, ¿xa chuluru inziu nú rnilu?