Popular Bible Verses from San Juan 6

Share

Che uni Jesuse lubeei: ―Liꞌá neca pá nú rliquiꞌ elunehuañi. Nu enu yeꞌta cuna liꞌá lecaꞌ xunga liaꞌnaꞌ nzeꞌe. Nu enu chili arquiꞌ liꞌá, lecaꞌ xunga bichiꞌ nzeꞌe.

Equie cuendaꞌtsia Espíritu Santo rluꞌcu bene elunehuañi nú leca xunga laxu, lecaxi aca bene riꞌilla leꞌcatsia liꞌilla. Nu equie cuendaꞌ Espíritu Santo nzeꞌta bee bedichiaꞌ nú unilá luhua, nu equie cuendaꞌ bee bedichiaꞌ cuaꞌ rluꞌcu bene elunehuañi.

La chenu arquiꞌhua equie bee elubacu nú rlaxu, sino que uyanu arquiꞌhua equie bee elubacu nú rliquiꞌ elunehuañi nú leca xunga laxu lu Diose. Nu elunehuañi cuaꞌ neca nú rliquiꞌ Bene enu uxeꞌla Diose lu iliulabe quieꞌ, nu ucañila Diose liꞌinu para nucuaꞌ.

Xne Pa Diose niarquiꞌnu nú ye bee bene enu zela nú chili arquiꞌ Lliꞌñinu, luꞌcu beella elunehuañi nú leca xunga laxu cuna liꞌinu. Nu liꞌá riꞌá nú huañi zeca beella chenu riꞌi Diose elu usticiaꞌnu.

Nu ucuaqui Jesuse lubeei: ―Lunú niarquiꞌ Diose nú riꞌihua, necane nú chili arquiꞌhua Bene enu uxeꞌlanu lu iliulabe.

Ye bee bene enu uxeꞌla Paa lua, nzeꞌta bee nzeꞌe cuna liꞌá, nu bee bene enu nzeꞌta lua, la luachua bee nzeꞌe.

Pero ucuaqui Simón Pedro lunu nú unilla: ―Detá, ¿tilu nzaꞌaru che? Xne stichiaꞌlu neca nú nzeꞌta yuu elunehuañi nú leca xunga laxu lu Diose.

Liꞌá neca pá nú nehuañi nú ulaca enza liñibe, nu enu acu pá quieꞌ, luꞌculla elunehuañi nú leca xunga laxu lu Diose. Nu pá nú rliquia necane cuerpoa. Liꞌá detene para nú luꞌcu bee bene iliulabe elunehuañi.

Lecati aca yeꞌta lua, tunu la xeꞌla Diose nzeꞌe lua. Liꞌinu enu uxeꞌla liꞌá, nu liꞌá riꞌá nú huañi zeca nzeꞌe chenu riꞌi Diose elu usticiaꞌnu.

Xne pá nú rliquiꞌ Diose, liꞌinu ubeꞌtanu enza liñibe nu rliquiꞌnu elunehuañiꞌ bee bene iliulabe.

Liꞌá neca pá nú rliquiꞌ elunehuañi.

Che unaꞌtse Jesuse bee pá zeꞌe, nu chenu ulaxu nú udeteꞌnu cheꞌtsa lu Diose, udeteꞌnue ya bee beneꞌnu nu uritsiꞌ beellae luye bee bene enu nucuaꞌa zeꞌe. Leꞌca esquie uriꞌinu cuna bee bela, udeteꞌnu calutse nú uniarquiꞌbeei acubeei nu udacu beei hasta elu ubelaꞌ beei. Chenu ubelaꞌ beei uni Jesuse lubee beneꞌnu: ―Uquieteꞌ saꞌhua bee pedaso nú uyaꞌna, para nú la nitilu niꞌtemeꞌe.

Chenu nzala beella tucu ayuꞌ urre xuꞌcu kilometro, ulañiꞌ beella nú see Jesuse lu inzatuꞌ zeꞌe nu nzebicanu enza lu barcoꞌ beella, nu ulliqui beella. Pero uninu lubeella: ―¡Liꞌá ninguieꞌ, la lliquihua!