Popular Bible Verses from San Lucas 17

Share

Che uni Jesuse lui: ―Utsuli, nu uquiaꞌa nee. Uyecaꞌlaꞌlu xne uchili arquiꞌlu liꞌá.

Mase achi bese tucu bichia riꞌilla urre nilla bee nú necha neca lulu, nu tunu achi bese leꞌca entalla nu nilla lulu uriꞌi perdona liꞌá: “La riꞌá scua stucu bese.” Rquiꞌña nú riꞌilu perdona liꞌilla.

Chequie tucu beei, chenu uriꞌi nzeꞌe beyaꞌ nú uyecaꞌlaꞌ nzeꞌe, ubenchilaꞌ nzeꞌe nu ubixialii nú uni bedichiaꞌ nzeꞌca lu Diose. Nu utsulliquii lu Jesuse hasta nú udiꞌ tequiei lu yuu para nú udeteꞌi cheꞌtsa lunu, nu necai bene Samaria.

¡Ubiꞌyahua liꞌihua! ’Tunu nuꞌ ta tucu enu rriꞌi dula, uriꞌihua nú quiꞌyalla, nu tunu cheꞌe arquiꞌlla lu dula nú uriꞌilla, uriꞌihua perdona liꞌilla.

Che uni Jesuse: ―¿Xieꞌlanú chiꞌi neca bene enu uriyeca la? ¿Ma sequie beei?

Nu ucuaqui Jesuse lubeella: ―Tunu nzu tenelí arquiꞌhua masia lleꞌna xi neca ebichiꞌ mestaza, nuꞌ modo nihua lu aca llene sicómoro quieꞌ: “Axi liꞌilu caꞌa nu uzucu lu inzatuꞌ”, che zucuꞌ aca cuaꞌ nú rnihua.

Bene enu máse niarquiꞌ nú huañi lu iliulabe quieꞌ riña bichia nú laxu nucuaꞌ, pero bene enu ati equie cuendaꞌ liꞌá luꞌculla eluhuañilílla liñibe.

Uni Jesuse lubee beneꞌnu: ―Siempre nuꞌ beenú rriꞌi nú rriꞌi bee bene dula, pero ¡cueꞌ bene enu riꞌi nú riꞌi stucu bene dula! Máse neca nzeꞌca para bene zeꞌe nú llicaꞌcuu bene quie molino añilla nu tsiꞌqui beei liꞌilla lu inzatuꞌ, luhuare nú riꞌilla nú sanaꞌ bene lu dula enu apenatsia uyalí arquiꞌ liꞌá.

Tucu nú unga tiembu nú uhuañi Noé, leꞌca scua aca bichia chenu riña zeca liꞌá Bene enu uxeꞌla Diose. Xne tiembu zeꞌe, udacutsia bee bene nu ungueꞌtsia beei, nu uchia beei nu udeteꞌbeei xinchiuꞌcu beei uchia, hasta nú uriña bichia nú uyuꞌu Noé liñi barco llene nú urecheꞌella, nu uquixie nú ulaca tucu quiu juerte nu unguti ye beei.