Popular Bible Verses from Joh 6

Share

Jesus oba säd to äant: Ekj sie daut Läwens-Broot. Wäa no Mie kjemt, dän woat niemols hungren; un wäa aun Mie jleeft, dän woat niemols mea darschten.

De Jeist es daut, dee läwendich moakt, daut Fleesch nuzt nuscht. De Wieed, dee Ekj to junt räd, sent Jeist un sent Läwen.

Schauft nich fa daut Äten, daut doa vekjemt, oba fa daut Äten, daut en daut eewje Läwen blift, daut de Menschensän junt jäwen woat; wiels disen haft Gott, de Voda, bestädicht.

Wiels dit es de Wellen von däm, dee Mie jeschekjt haft, daut een jiedra, dee dän Sän sitt, un aun Am jleeft, eewjet Läwen haft; un Ekj woa am oppwakjen aum latsten Dach.

Jesus auntwuad un säd to äant: Dit es Gott sien Woakj, daut jie aun dän jleewen, dän Hee jeschekjt haft.

Aules, waut de Voda Mie jeft, woat no Mie komen; un wäa no Mie kjemt, dän woa Ekj nich rutsteeten.

Dan auntwuad Am Simon Petrus: Har, no wäm sell wie gonen? Du hast Wieed von eewjet Läwen.

Ekj sie daut läwendje Broot, daut vom Himmel raufkjeem. Wäa von dit Broot äten woat, woat eewich läwen. Oba daut Broot, daut Ekj jäwen woa, es mien Fleesch, daut Ekj jäwen woa fa daut Läwen von de Welt.

Kjeena kaun no Mie komen, buta daut de Voda, dee Mie jeschekjt haft, am trakjt; un Ekj woa am aum latsten Dach oppwakjen.

Wiels daut Broot von Gott es dee, waut vom Himmel raufkjemt un de Welt Läwen jeft.

Ekj sie daut Läwens-Broot.

Un Jesus neem de Brood, dankt un jeef de Jinja, de Jinja oba dee, dee sikj doljesat hauden; jrod soo uk von de Fesch, sooväl aus see wullen. Aus see oba saut wieren, sajcht Hee to siene Jinja: Saumelt de äwajebläwne Brocken toop, soo daut nuscht vekjemt.

Aus see onjefäa fiew-un-twintich ooda dartich Stadien jeroodelt hauden, seenen see Jesus oppem Mäa gonen un sikj nom Schepp nodren; un see ferchten sikj. Oba Hee sajcht to äant: Dit sie Ekj, fercht junt nich!