Popular Bible Verses from Dolabololo 15

Share

Sa-sangoro ma mereoso, enanga gena-ge 'i siiranga manga ḏuruta, mada'a demo-demo ma bai'i, enanga gena-ge 'i sibere manga ngaunu.

Silamo'o re mojongo Ma JOU, gena-ge ḏuanga i'a 'i doto'o ngana di'a dadi 'akala soro'unu, re ngowa'a ga'a maholo tamanga 'akala re sinyingara, ḏuanga i'a ngowa'a ya'u silamo'o.

Yai'i ma ḇuru, enanga gena-ge ma tero sa'olo ate ga'a pula'a 'ahu, mada'a yai'i ma ruci, enanga gena-ge 'i sijira manga 'akala re sinyingara.

Rancana 'i dadi ua na'o duga re domolo 'i cua, mada'a enanga 'i dadi na'o 'age ngowa'a repe ga'a 'aḏi pula'a duga re domolo rema enanga.

'Akala re sinyingara ma roanga 'i si'a'a biono sa-sanangi, mada'a 'akala re sinyingara ma susa 'i sirapo'o 'akala re sinyingara.

Ma JOU 'o oḏi'i toma le'a ḇato, Unanga gena-ge 'o totoho ngowa'a la-la re ngowa'a ma jira.

Lebe rousu, harata pa'i ceka'a ua ḇato, mada'a 'aḏi silamo'o re mojongo Ma JOU, reo harata repe mada'a 'akala re sinyingara 'i ogoro ua.

Ngowa'a ga'a ruta caiti, ananga gena-ge 'aḏi sibaolo ma'u go'oro, mada'a ngowa'a ga'a 'akala ḇanyo, ananga gena-ge 'aḏi sitogumu ma'u sataru.

Ngowa'a loasa re banari 'aḏi mafikiri siḏa wakutu mau 'aḏi sangoro, mada'a ngowa'a kajahatana manga madanga pa'i 'i singadolo demo ma jira ḇato.