Popular Bible Verses from Dolabololo 29

Share

Mojongo manusia 'i si'a'a jojoḏi. mada'a ngowa'a ga'a 'aḏi ngaku Ma JOU, Unanga ya'u saolo.

Na'o sanga si nya-nyasele ua ra Ma JOU, bangsa gena-ge ma rayata si'aturu yoḏu'u, Mada'a bara'utungu ngowa'a ga'a 'aḏi mete'e Ma JOU 'ai hukumu.

Ngowa'a ga'a 'aḏi emono wo-waro, ananga gena-ge 'aḏi ruta kama gogono ua, mada'a ngowa'a 'akala soro'unu, ananga 'aḏi tahana manga ruta.

Didiki re ḇangata 'i si'a'a 'ani ngowa-ngowa'a 'aḏi dadi 'akala soro'unu. mada'a ngowa 'olo ga'a mete'e manga mau, ḏuanga i'a sipula'a mara'a ma ngina.

Doto'o 'ani ngowa 'olo re ananga ḏuanga i'a 'aḏi pula'a dame ra ngana. re 'aḏi sisanangi ngana 'ani 'akala re sinyingara.

Ngowa'a momole ḏuanga i'a 'aḏi sanga mara'a, ngowa'a ga'a maholo ḏuanga i'a 'aḏi sanga puji.

Ngowa'a ga'a ruta caiti, ananga gena-ge 'aḏi sibaolo ma'u go'oro, re ngowa'a ga'a tata-ruta 'aḏi 'a'a ḏosa repe.

Ngowa'a ga'a 'aḏi emono wo-waro, ananga gena-ge manga ngo-nganono lai repe, reo ngowa'a ga'a 'aḏi kanau kama fikiri ua.