Popular Bible Verses from ZAA 'BƆGƲ 12

Share

Nɩkpɛ -yɛ nʋ ɔ 'yɛ na libho nʋ nʋ-ɔ, ɔ -ganɩ'ɩ, la n glɩ-a, -bha na nyɩgbajʋlʋ ji 'yɛ-a -nɩ glɩɛ. Nɩkpɛ -mɔ -yɛ na libho nʋ-ɔ, 'wʋ na -Tɩbha jio-a 'wɔlʋmanɩɛ.

-Ɔ -yɛ ɔjɩɛ 'pɩ 'wʋ gwɩ, cɛ'ɛ ɛ jio-a 'bhö-ö, -ɔ -yɛ ɔjɩɛ 'pɩ dlɩ -sa ma'a pɩ la'aa 'mö, 'mɔ ɛ ji-a cɛ'ɛ tʋɔ 'kɔgwlɛswɩ'ɩ.

'Dɩɛ -dɩ n nyɛya -bha naa: 'Sɩkajeyi nɩ -ma glu pla ɛ 'yɛ mi-e, -bhlʋ 'tɩ 'mö ɛ tʋ -bha. 'N ɛ -yɛ glu pla ɛ -yɛ mi-e, 'jʋɔ -bebe ɛ pa -bha.

-Amö-ö -yɛ-a yʋlokpë, -ɔ la'a -ɔ ka'a dlɩ 'wʋ -ka, ɔ ji-e -ma 'misikpoko 'mö tʋ-ʋɔ yɛ n ji-e ma'a 'pɩ 'wʋ.

Nɩkpɛ -yɛ na wɛlɩ 'nʋ 'bhë ɔ nɩɩ 'ji zʋ-ɔ, n 'na 'kɔ -zijle tunʋ. -Wʋʋ yɛ-a, n'n -lɛ 'pɩnɩkpa -zijle -tunʋ kwla'a ji, n 'yɛ 'pɩnɩkpa puaa yɛ n ji -bha.

Mali 'libhï-a palɩfɛ -ɛɛ pɛlʋ-ʋ 'tɛ-a tenyi -ɛ wa la-a nadɩɛ 'bïtelie 'köbhë 'wʋ, 'n ɔ jie-e -bha Zezwie kpli -gömö sulu, 'bhë 'n ɔ jiɩ-a ɔ nyuko nya yawʋ sɔnʋ. -Ma -budu'u, 'n palɩfɛɛ nglɛ ji-e -ma ye.

Wa 'libhï-a -galɩkpɩ 'wʋ, 'n wa jio-a 'yuo mö. Wa-a la'a 'mö 'kpö 'le naa: “-Lagɔɔ 'nglɩ 'ghlimanɩ! Puanyɔ -ɔ jinɩ-ɛ la'a -aa Nyininyɔ -Lagɔɔ 'nglɩ 'mö, -ɔ glɩnɩ-a Izlayɛlɩɛ dʋdʋnyininyɔ, -Lagɔ 'pɔ 'nyupalɩ!”

Wa -sanɩ-a Zezwi 'dɩ, ɔ nɛ: “A yie, Nɩkpɛɛ 'Guo 'ghlimanɩde nyini-e la'a.