Popular Bible Verses from LWIKÖÖ 'BƆGƲ 11

Share

Abha 'pɩnɩkpa kla la'a nyanɩ, a -ji la'a -nɩ a 'gwie -lie -lie 'nyɛɛ, e 'kë zi a -Tɩbha -ʋ -wʋ-ɔ -ma -Lagɔtapɛ'ɛ -ʋ -ga-a cɛ-ɛ 'mʋɔ cɛ 'na-a ʋ gwie -wa 'jɩbhanʋ-a Zuzu 'Wlawla -gömö -laa 'nɩ-ɩ?”

Sa'a n gba-a sa'a a de naa: A 'jɩbha, wa jiya 'nyɛ. A 'nama, a ji ghlɩ. A bhɔtɔ -bha, wa ji -bha kalɩ.

-Wʋʋ yɛ-a, -ɔ jɩbha-a 'mɔ wa nyɛ -bha, -ɔ 'nama-a mɔ-ɔ ghlɩ -bha -ɔ bhɔtɔ-ɔ -bha, ɔ yɛ wa kalɩ-ɛ -bha.

Ɔ gba-a sa'a Zezwi nɛ: “A -yɛ -bɛlɩ 'paa ji-e, a nʋ: -Aa -Tɩbha -Lagɔ, -na 'nglɩ 'wlawla ɩ -wʋ -bha, nɩkpa 'bhuo zʋɩ -bha. -Na nyininyinie ji.

'Tatinɩ -aa 'jinylolie gbʋ 'ji, -wʋʋ yɛ-a, nɩkpa -kaya 'jinyloli 'ji nʋ ɩ gbʋ -a 'tatinɩ 'yɛ-a -nɩ 'ji. -Nn -saya 'ji yawʋ -aa bhlinɩ -mapapɩɛ 'mö -nɩ.”

Sa zlɩ zɩ-a -nyɛya lilie.

Nɩkpɛɛ 'jie, 'napɛɛ swɩ'ɩ ɩ -wʋ -bha. Mɩ-ɩ ngönɔ-a 'wʋ. Ɩ -yɛ 'jinanɩswɩ'ɩ sɛ jɩnɩ, -ma zlɩ 'mö ɔ namönɩ -bha. Ɩ 'klʋ -yɛ julumanɩ-ɛ, -ma 'misikpoko 'mö ɔ -wʋ -bha.

'N Zezwi jua-a nine la'a 'panɩ. Ɔ nɛ naa: “Nɩkpɛ 'nɩ-ɛ -bhla 'napɛ 'ji -dɩ ɔ 'kɛ ziza, ɔ 'kɛ -lu 'wlu sɛ -gblinɩ. Ɔ -kɛɛ 'ji -dɩ-ɛ, -bha -glodu'u ɔ zʋɩɛ-a yɛ, nɩkpa 'bhuo -yɛ -ma -budu'u pla 'n wa jɩnɩ-a yɛ.