Popular Bible Verses from LWIKÖÖ 'BƆGƲ 14

Share

“Nɩkpɛ -yɛ nʋ n -nyɔɔ yɛ 'wʋ -bhlinɩ nʋ 'bhë, ɔ -yɛ ɔ -tɩbha, ɔ -da, ɔ 'nglɔ, ɔ 'gwie, ɔ -dagwienyɩbhɛlɩgwie, ɔ -dagwienglugwie -yɛ ɔjɩɛ 'pɩ 'sɔ 'jɩbha na bhla, ɔ'ɔ bhɛlɩ ɔ 'yɛ na 'wʋbhlinɩnyɔ zʋ.

-Ɔ nɩ ɔjɩɛ 'klʋkʋnʋsu -su ɔ ka'a -ganɩ ɔ'ɔ bhɛlɩ ɔ 'yɛ na 'wʋbhlinɩnyɔ glɩnɩ.

Ɩ yɛ n gba-a sa'a naa, nɩkpɛ la'a -ɔ -yɛ ɔjɩ 'kadɔ wlumö 'wʋ 'libhï-ë, sɛ -Lagɔ jio-a nyinianɩɛ, -ɔ -yɛ ɔjɩ sɛ nyinianɩ-ɛ, 'mɔ -Lagɔ ji-a 'kadɔ 'wʋ zʋa.”

-Ɩ la'aa yɛ n gba-a naa: -Ɔ -yɛ nʋ n -nyɔɔ 'sɔ 'yɛ 'wʋ -bhlinɩ nʋ-ɔ, ɔ 'pa 'yɛ -nɩ -sɩbha 'jinanɩswɩ'ɩ dlɩ. Ɔ nɩ ɔ -li 'bhuoo 'ji 'tatinɩgbʋ nglu, ɔ 'na na 'wʋbhlinɩnyɔ glɩnɩ.

A gla'aa nɩkpɛ -mɔ -yɛ-a -budu 'kadʋ 'sɩbhaa ji, -ɔ 'na-a sɛ glɩ-ɩ ɔ 'yɛ dlɩ 'pa, mëni -ɛ ji-e -ma -budu la'aa 'mö pla, ɔ 'kɛ -ji, sa 'mɛ mëni 'kʋ-a 'ji bhɩaa yɛ 'nɩ? Ɔ nɩ -sɩbha nʋ, ɔ -yɛ 'mʋ -budu glu palɩ 'bhë ɔ nʋ 'ji bhɩa-a, nɩkpa la'a bhuo -wa jio-a yɩlɩɛ gla wa jio-a palɩɛ. 'N wa 'yɛ-a gba naa: A yie nɩkpɛ -la, -budu 'kadʋ -ʋʋ 'sɩbhasɩbhʋ ɔ tɛ-ɛ la-a, ɔ'ɔ bhɛlɩ ɔ 'kʋ 'ji bhɩa.

-Ma ɩ 'mö -n -yɛ nɩkpa lili yɛ wɔzɩɛ ji-e, wɔzɩ 'pʋangwa, wɔzɩ 'kplakplangwa, wɔzɩ bhɩgbökangwa, wɔzɩ 'lɔkpɔlɔkpɔngwa. -Sɩbhaa nɩkpa la'a, mʋa -n -yɛ wɔzɩ-ɛ, 'mʋna -lɩbhamö, -wʋʋ -yɛ-a, wa'a bhɛlɩ wa 'yɛ -na -lie -li plʋnʋɔ yɛ -bha. -Ɩ nanɩ-a -Lagɔ dlɩ yawʋ, -wa nʋɩ-a wa -yɛ tlɩ, zlɩ -ɛɛ 'mö -Lagɔ jua-a glu -saa ʋ ji -bha -na -lie -li plʋnʋnʋ.”

Gïbhï -lie -li -bha, 'n ɩ -yɛ-a 'mö 'nʋ ngli bhɩa-a, 'manɩ wa jiɩ-e 'mö-a 'nʋ ngli -lanɩɛ 'nɩ? Ɩ -yɛ 'nʋ ngli bhɩa, ɩ'ɩ-a 'mö -lu 'ji -ka. Wa'a bhɛlɩɛ 'bhë wa 'kɩ -klokodu 'mö 'dɔbɔnʋ wa 'ka glʋglʋli yawʋ 'paa yɛ, 'kwla wa pɩ -bha. Ɩ yɛ, -ɔ -yɛ 'nʋnʋyukwlie -ka ɔ 'nʋ.”