Popular Bible Verses from MALƖKÖÖ 'BƆGƲ 13

Share

Na yɛ nɩkpa 'bhuo jiya-a 'jɛbhɛlɩɛ. 'Bhë -ma yʋlɔyʋlʋɛ la'a 'mö, -ɔ -yɛ -ma dlɩ nyʋnanɩ, 'pɩɛ 'bhlonʋde -yɛ nyini, mɔ-ɔ ji-a 'pʋɔ.

Ɩ yɛ a 'na-a ngɔmö -nɩ, a pö ajɩ 'wʋ. -Wʋʋ yɛ-a, la -bha ji nyininɩɛ a'a -bha -ji.

Wa kaya -ma -zijlitungwa dlɩ'ɩ kwa, wɛlɩ a 'yɛ-a gba, a 'na-a nimï ɩ yɛ dlɩ -nɩ, wɛlɩ -ɩ -Lagɔ jiya-a -bha -gaganɩlɩ'ɩ ngli 'paa a gbɩ. -Wʋʋ yɛ-a, a 'bhï abha 'nɩ-ɛ gbaa ji, Zuzu Wlawla-a jiya-a 'mö gbanɩɛ.

-Lagɔtapɛ -yɛ dʋdʋkpata 'sɔ sɛ ɩ ji-a yɩla, na nglie wɛlɩ 'na sɛ yɩla 'lɩlɩlɩ.

Zlɩɛ -mɛɛ 'mö ɩ ji jinɩɛ, -bɛ 'nɩɛ -ji, -Lagɔzuzukuo 'bhï 'nɩɛ -ji, -Lagɔɔ 'Guo 'bhë 'nɩɛ -ji. Na -Tɩbha -Lagɔ -bhlʋ tɩ-ɩ -jie -bha.

-Bhaa do'o, a -yɛ tʋɩ -ɩ wa -wʋ-a gwɩ 'le -yɛ -ɩ ji-a 'gwɩɔ 'sɔɔ wɛlɩ 'nʋ-ɔ, dlɩ 'na-a wlɔnʋya 'mö -nɩ. -Wʋʋ yɛ-a, 'mɩ -ɩ la'a mɩ-ɩ ji-a -lɛ 'yu -gaa tɛnyɩ 'bhë, ɛ 'na -bha -gaganɩlɩ'ɩ 'pɩɛ sɛyɩlade glɩnɩ.

a pö -sɩbha ajɩ 'wʋ a 'yɛ -bha glɩ. -Wʋʋ yɛ-a, la 'ligbëlowli ji nimï jinɩɛ a'a -bha -ji. -Dudoo oo, dʋdʋnyɩdɩ oo, -kɔkɔbhɛlɩɛ gbʋnʋde oo, zlɩgö oo, a'a -sɩbha -ji. Ɔ -yɛ 'möbhulolɩ'ɩ ji ɔ jiya-a ngɔmöngɔmölɩ'ɩ ghlɩ. 'Dɩ n wʋya-a la'a 'mö zʋ 'le, nɩkpa 'bhuoo -li -bha. A pö ajɩ 'wʋ a 'yɛ -bha glɩ.”

Nɩkpa tʋ wa ji-a gwɩɛ, dʋdʋ -mʋmʋɔ -gömöö nɩkpa -yɛ -mʋmʋɔ -gömöö nɩkpa 'sɔ 'yɛ-a 'ji gëgënɩ, wa 'yɛ-a tʋ gwɩ. -Ma dʋdʋɩɛ -bɛ -gömö dʋdʋkpata ji-e -ma tɛlɩɛ, -ma dʋdʋɩ -mɩmɩɛ -gömö ngɔmʋ 'yɛ-a -ma ji. 'Mɩ -ɩ la'a 'bhuo, yʋlɔyʋlʋ 'kadʋ -ʋ ji-a jie ʋ tɛnɩde -bhla.

-Ma -gwlɩ 'bhuo -gömö, wa 'na -ma -Lagɔɔ 'tɩtɩɛ -tɩtɩ bia 'bhë, 'n 'pɩ 'yɛ-a 'lili'i sɛ yɩla.

-Wʋʋ yɛ-a, nɩkpaa -bɛ ji-a jie, wa 'yɛ-a na 'nglɩ -su, wa 'yɛ-a nʋ naa, Puanyɔ -ɔ -Lagɔ -sa-a -bha 'mɔ wa glɩnɩ-a nʋ. 'N wa 'yɛ-a nɩkpaa -bɛ yʋlʋ nʋ.

Abha na -lʋa, a pö ajɩ 'wʋ a 'yɛ -bha glɩ. -Wʋʋ yɛ-a, -zijlitungwa wa jiya-a 'ye 'nyɛɛ, wa 'kaya-a -ma -Lagɔbudi'i kwa wa 'kaya-a 'sɛlɩ. Sa a glɩnɩ-ɛ na -lʋaa yɛ, -ma -gwlɩnyiningwa -yɛ dʋdʋnyiningwa 'kadɩ 'sɔ dlɩ'ɩ wa jiya-a 'nɩgbanɩɛ, wa 'kaya-a -zijli tunʋ. 'Mɩ -ɩ la'a sa'a 'bhuo kaya ghlɩ 'le -wʋ-ɔ, -bha a ji-a -Lagɔwɛlɩ gbanɩɛ.

-Wʋʋ yɛ-a, nɩkpaa -bɛ ji-a jie, wa 'yɛ-a nʋ naa, Puanyɔ -ɔ -Lagɔ -sa-a -bha 'mɔ wa glɩnɩ-a nʋ, -mɩlado'o -Lagɔ 'nʋa-a -bha -sa. -Mʋmʋa 'yɛ-a nʋ naa -Lagɔɔ 'mögbanɩngwa wa glɩnɩ -bha nʋ, -mɩlado'o -Lagɔ 'nʋa-a tia. Bhatɩɛ -bɛ wa ji-a nɛ nʋɔ, 'n wa 'yɛ-a nɩkpaa -bɛ dlʋa. -Lie -bɛ wa ji-a 'mö jɩlaa wa 'yɛ -Lagɔɔ -lʋaa 'bhï dlʋaa yɛ.

-Ma ɩ 'mö, 'mɩ 'zwɩziylɩ-a la'a ɩ -yɛ 'plɩ 'bhë, 'ylʋzalʋ ji-a 'ji julumanɩɛ, 'cʋ 'na-a 'mö lɩ 'sɔ. -Zɛlɩ 'yɛ-ɛ -ma ghayɩ 'bhö-ö ɩ 'yɛ-a bhli. 'N -ma -Lagɔtapɛ'ɛɛ 'mötɛnɩli 'bhuo 'yɛ-a 'mö gbʋgbɔ.