Popular Bible Verses from 1 कुरुन्थी 2

Share

मुदा परमेसर रआ बचन रे नुंका ओल एकाना चि परमेसर अपन दुलार कराव वनकु कथिर जे तेयार एकाःआय उना जहय तहों केहयो काकु नेल एकाःआ, ना दो जहय ता ओनाव एकाःआकु अरो ना मोन रे सोंचाव एकाःआकु।

जेकर ठिनुः पबितर रावा बनुःआं, उनी होर, परमेसर रआ रावा रआ, गानाम रे काकु बिसवास काना, चिलिमेनचि उनी कथिर उना गानाम मुरुखता रआ बराबोइर हेनाःआं, उनी उना काय सोमझाव दड़िवाकानाय, चिलिमेनचि उनी रआ परखाव पबितर रावा एते गी होयुः काना।

मुदा परमेसर ता उना गेयान ता अपन रावा रआ दोवासते आबु रे दिसतार एकाःआय। चिलिमेनचि रावा सुबिन जिनिस दंड़ाय कनाय, अरो परमेसर रआ भितरवांट रआ गानाम हों सारीइ कनाय।

अबुन नियां दुनिया रआ रावा कबुन नाम एकाःआ मुदा परमेसर एते पबितर रावा नाम एकाःआबुन ताकि अबुन उना गानाम सारी दड़ी वाःआबुन जे परमेसर ता मुफात रे एम एकाःआय।

इञ रआ खभेर अरो इञ रआ परचार मनवां रआ गेयान आर लोभलोभोवन गानाम ते का तहिकेना, लिकिन परमेसर रआ रावा अरो सोमोर्थ एते सबिद इतिञ। इनाते चि अपे रआ बिसवास मनवांकु रआ गेयान रे बङा, मुदा परमेसर रआ सोमोर्थ रे टेकावेकाना।