Popular Bible Verses from मरकुस 7

Share

चिलिमेनचि भीतरी एते बङ रेदो होर रआ मोन एते कठिक बिचार; साप-जोटेत, कुमरु, गोगोच, एटाः एरा रे मोहव वोः, लोभी, कुचड़, छलकपट, लम्पट, हिसंगा, निन्दा, मरंग बयुः, अरो मुरुक कामि उडुङओः काना। इना सुबिन कठिक गानाम भीतरी मोन तीगी उडुङओः काना अरो होर के असुध कुकानाय।”

नुंका जहन जिनिस बनुःआं जे होर रे बहरी एते बोलो केते उनी के असुध इयाय; मुदा जे जिनिस होर रआ भीतरी एते उडुङओः काना, इनागी उनकु के असुध कुकानाय।

ईसु उनकु होरकु के गामवाःकुवाय, “जसायाह अपे कपटाहाकु रआ बबेत रे खुब बुगिन आगमजानी एकाःआय! जे लेका ओल्‍लेकाना; “‘नोकु होर मोचा एते दो इञ रआ माइन कनाकु, मुदा उनकु रआ मोन इञ एते संगिञ तहीः काना।

नोकु बेकार इञ रआ बिनती-पराथनाय कनाकु, चिलिमेनचि होर बाय अनाः नियम परमेसर रआ हेके मेन ते सिखाव कुकानाकु!’

“अपे परमेसर रआ हुकूम अतोम केते होर रआ रिति-रिवाज मनावेकानापे।”