Popular Bible Verses from San Juan 2

Share

Yeḻ' waki dga ben Jesúza' yell Canána' daa llia gana' mbani Galileana', ḻennan' bene' dii nech. Na' ka' bli'e yeḻ' wak c̱he'na' nape', na'ch beṉ'ka' nongake' ḻe' txen benḻilall'gake'ne'.

Na'ch che' Jesúza'ne': ―¿Berac̱he nazo' nad' ka'? Biṉ' gaḻ' gon' daa llia bia' gon'.

Na' che' Jesúza' wen mandadka': ―Ḻi kaa nisa' ḻoo yes'ki. Na' wda'gake'n ax̱t ka billa'chagakan. Na'ch che' Jesúza' ḻegake': ―Ḻi gash' lataan ṉaa na' ḻi lljeen beena' ngoo lo neen. Na' bengake' ka golle'.

Na' che' Jesúza' ḻegake': ―Ḻi yic̱hinj yoodo'ni na' lo shoṉə llazə yiyona'n.

Na' ka ble'ile' ka chak, bene' to do tashj, na' kon ḻen bisheshile' yog'ḻoḻe' lesh' chyoodo'na' lente gooṉka' na' xil'ka'. Na' bzaḻee xmech beṉ'ka' chisha' mecha' lo yona' na' bishi'e mes c̱he'ka'. Na' beṉ'ka' chit' palomka', golle' ḻegake': ―¡Ḻi yishesh baki ni! ¡Bi gonzle lill X̱a'na' ka lao yaa!