Popular Bible Verses from 1 Korintofoɛ 2

Share

Na kyɛbɔ bahworɔ ne: “Bɔ Nyameɛ asiesie ama bɛ bɔ bɛdɔ ye ne, anyeɛ biala nnwuni ye, asoɛ biala telle, na ɔwalle ebiala ahone nu lle.”

Na sona bɔ odi ye akɔnnɔ si ne de, onne nningyein bɔ ofi Nyameɛ honhom ne berɛ ne ndonu, na ɔte ngwaseasɛm po ma ye; na ɔngɔhora ngonwu nu, ofikyɛ honhom yeɛ bɛfa bɛneɛnea nu ɔ.

Nakoso, yɛ de, Nyameɛ nate honhom so aye ye ali ahyire yɛ. Na honhom ne neɛnea nikye biala nu, Nyameɛ nningyein bɔ enu kɔ ne po nu.

Na yɛ de, yannya wiase né honhom, mmom honhom bɔ ofi Nyameɛ berɛ, kyɛbɔ ɔkɔyɛ a yekonwu nningyein bɔ Nyameɛ afia ye kunu afa ahyɛ yɛ ne.

Na edwirɛ bɔ ngane, ɔne ngyerɛkyerɛ bɔ nyɛle ne, nná nnaka-naka ne sona nyanza yeɛ mva ngane ɔ, mmom honhom né tumi, kyɛbɔ ɔkɔyɛ a ɛmɔ gyidie ngogyina sona nyanza so, mmom okogyina Nyameɛ tumi so.