Popular Bible Verses from Asomafoɛ Nyumaa 2

Share

Petro ha hyirele bɛ kyɛ: “Ɛmɔsakra, na ɛmɔma bɛbɔ ɛmɔ nu biala asu wɔ Yesu Kristo dumaa nu, na wamaa ɛmɔ anya bɔne fakyɛ. Ná ɛmɔ konya honhom krongron bɔ bɛfa bɛkyɛ mbaen ne bie.

Na bɛhɔle so betiele asomafoɛ ne ngyerɛkyerɛ ne, bɛfale nnamvoa, bɛdidili, na bɛbɔle mbaeɛ.

Na honhom krongron ne yili bɛ nu biala tɛkyɛ, na bɛhyɛle yebo kyɛ bɛka dwudwolɛ foforɛ, kyɛbɔ honhom ne fa mane bɛ kyɛ bɛha ne.

Komapɛ, dede bie fili anwuro wale, né dede ne te kyɛ mvrama bɔ ye noa yɛ se paa, ná ɔgyegyele awuro berɛ mukoraati. Na bɛnwuni see bɔ wayɛ kyɛ temverema, kyɛ wayeye ngoko-ngoko waagyina bɛ nu biala ti afia. Na honhom krongron ne yili bɛ nu biala tɛkyɛ, na bɛhyɛle yebo kyɛ bɛka dwudwolɛ foforɛ, kyɛbɔ honhom ne fa mane bɛ kyɛ bɛha ne.

Daa biala, né bɛfa adwene kõ bɛkɔ asɔre awuro berɛ, bɛbɔnu bɛdidi wɔ b'awuro, bɛfa anigye ne ahone bɔ enu te bɛbɔnu bɛdidi, bɛye Nyameɛ ayɛ, na benyane mmenia namukoraati nyunu adom. Na daa biala, né Awurade kɔ so fa bɛ bɔ odɛ bɛ ngoa ne bie baboka so.

‘Nyameɛ nwa, “Awieɛ mmerɛ nanu ne, ngohwie me honhom ne bie ngogua mmenia ahoroɛ mukoraati so; Na ɛmɔ mmaa mmrienzua ne ɛmɔ mmaa mmrasua kɔhyɛ ngɔm, ɛmɔ mmrandeɛ konya anisoadehu, ná ɛmɔ mbanyi nemɔ ahe nnaleɛ.

Né bɛ bɔ baayɛ gyidifoɛ namukoraati wɔ neka-horɛ, na bɛfale bɛ nningyein mukoraati bɛbɔle nu, na bɛtɔnene b'ahodeɛ ne b'agyapadeɛ, na bɔ benyane ye ne, bɛhyɛle maa ebiala nyane bɔ ohia ɔ.

Ná ebiala bɔ ɔkɔbɔ Awurade dumaa ne, okonya ngoa.” ’

Eyia kɔkakyi awosii, ná ɛsraen akakyi mogya, kora né Awurade anuonyam kyẽa pirikua ne awa.