Popular Bible Verses from Yohane 19

Share

Nzãa bɔ enu ka ne hane Yesu noa ne, ɔhane kyɛ: “Wayie!” Na osili ye ti ase, yeɛ owuli ɔ.

Ɛhemɔ si ne, mmerɛ bɔ Yesu nwuni kyɛ nikye biala awa awieɛ ne, bɔ ɔkɔyɛ ne tworɔnzɛm ne awa nu ne, ɔhane kyɛ: “Nzuhɔen ku me.”

Yeti mmerɛ bɔ Yesu nwuni ye maame ne suaniɛ bɔ okuro ye dwirɛ ne kyɛ bɛgyi berɛ ne, ɔha hyirele ye maame kyɛ: “Maame, nea, ɛwa brienzua ɛhe!” Yeɛ ɔha hyirele suaniɛ ne kyɛ: “Nea, wɔ maame ɛhe!” Na ofi sɔ mmerɛ ne, suaniɛ ne fale ye hɔle ye awuro.

Nakoso bɛwale Yesu nwo berɛ ne, bɛnwuni kyɛ wawu dada, yeti bammubu ye gya nu. Nakoso, sogyafoɛ nanu kõ fale pea wɔle ye mvenu, na ɛberɛ ala, mogya ne nzue fili ye nu wale.

Bɔ ɔte yeɛ ole kyɛ, sɔ dwirɛ hemɔ wale nu, ná wamaa tworɔnzɛm ne awa nu kyɛ: “Bɛngɔbu ye bowue komapɛ po nu.” Na tworɔnzɛm foforɛ koso ka kyɛ: “Bɛkɔnea bɔ bɛfale pea bɛwɔle ye ne.”

Na ɔsoale ye asɛnnua ne fili berɛ hɔle nekaa bɔ bɛfrɛ berɛ “Tire Kokuroka” ne; Hebri nu ne, bɛfrɛ ɛberɛ Golgota .

Na sogyafoɛ nemɔ fale mmowie yɛle abotire, na bɛfa bɛwurale ye ti, yeɛ bɛfale atadeɛ bɔ ye kɔla te valent bɛwurale ye.