Popular Bible Verses from Luka 14

Share

“Sɛ ebie ba me berɛ, na sɛ wannde ɔdɔ bɔ ole ye ma ye baba, ye maame, ɔye, ye mmaa, oliema mmrienzua ne mmrasua, ɔne ye bɔbɔ ye ngoa naso a, ɔngɔhora ngɔyɛ me suaniɛ.

Ná sɛ ebie anzoa ye asɛnnua, ná wanni me si a, ɔngɔhora ngɔyɛ me suaniɛ.

Ofikyɛ ebiala bɔ ɔma ye nwo so ne, bɛkɔbrɛ ye ase, na ebiala bɔ ɔbrɛ ye nwo ase ne, bɛkɔma ye so.”

Sɛ ala yeɛ ɛmɔ koso, sɛ ebie anyakyi bɔ ole ye ne mukoraati berɛ a, ɔngɔhora ngɔyɛ me suaniɛ.

Ɛmɔ nu nwa yeɛ ɔpena kyɛ osi aborosaen a, onni mmoa ndena ase nzese nnea sɛ ole sikaa bɔ ɔkɔfa kosi a? Sɛ wanyɛ sɔ a, ɔkɔhyɛ yebo, nakoso ɔngɔhora yie, na bɛ bɔ bekonwu ye namukoraati kɔhyɛ yebo kɔgoro ye nwo kyɛ, ‘Akoaa he hyɛle yebo kyɛ osi sua, nakoso wangora ye si yie.’

Mmom to wɔ sa frɛ ahiafoɛ, mmubuafoɛ ne anyesiniwaafoɛ, ɛhene kɔmaa Nyameɛ kohyira wɔ. Ofikyɛ bɛ de, bɛlle hwee bɔ bɛfa betua wɔ kerɛ, na ekonya w'akatua mmerɛ bɔ bɛtingye ateneneefoɛ ne.”

“Ngyee te pa, nakoso sɛ ye fɛɛ ne fi nu a, ɔkɔyɛ sɛɛ ne wasa wasi ye daa nu? Ɛfa fra anweaa ɔnyɛ yé, na ɛfa yɛ fɛtelaza koso a, ɔnyɛ ye, sana egyi gua. Bɔ ole asoɛ bɔ ɔkɔfa kotie ne, ma otie.”