Popular Bible Verses from Mateo 16

Share

Yeɛ Yesu ha hyirele ye asuafoɛ nemɔ kyɛ: “Sɛ ebie pena kyɛ odi me si a, ma ɔpa ye nwo si, ɔfa ye asɛnnua, na ɔhɔ so li me si.

Afei meka mekyire wɔ kyɛ, wɔ yeɛ ɛle Petro, na nyɔbotaen he aso yeɛ ngosi m'asafo ngosie ɔ, na asieleɛ ngɔhora nngoli so ngunim.

Ngɔfa anwuro ahennie ne nzafoa ngɔma wɔ, na bɔ ɛkɔkyekye ye wɔ aseɛ he aso ne, bɛkɔkyekye ye wɔ anwuro, na bɔ ɛkɔsangye ye wɔ aseɛ he aso ne, bɛkɔsangye ye wɔ anwuro.”

Ofikyɛ ebiala bɔ ɔpena kyɛ ɔbɔ ye ngoa nwo waen ne, okofi ye sa, nakoso ebiala bɔ me ti ye ngoa kofi ye sa ne, ye sa kɔha ye.

Na sɛ ebie nya wiase ahonyadeɛ mukoraati, na ye ngoa fi ye sa a, mvasoɛ beni ye okonya ye ɔ? Na nzu yeɛ sona kɔhora kɔfa kɔsesa ye ngoa ɔ?

Yeɛ obisale kyɛ: “Ɛmɔ koso, ɛmɔnwa nde sona beni?” Yeɛ Simon Petro hane kyɛ: “Wɔ yeɛ ele Kristo ne, Nyameɛ teasefoɛ ne awa ne.”

Yeɛ Yesu ha hyirele ye kyɛ: “Yona awa Simon, anigye yeɛ ole wɔ! Ofikyɛ nná anwoɔnaen ne mogya yeɛ ɔmaa ɛnwuni ɛhe ɔ, mmom me Baba bɔ ɔwɔ anwuro ne yeɛ ɔlale ye ali hyirele wɔ ɔ.