Popular Bible Verses from Romanfoɛ 10

Share

na sɛ ɛfa wɔ noa ka kyɛ Yesu te Awurade, na sɛ enya gyidie wɔ w'ahone nu kyɛ Nyameɛ atingye ye afi ewue nu a, bɛkole wɔ ngoa.

Ofikyɛ sona ahone yeɛ ɔfa dɛ́ di maa bɛbu ye teneneeniɛ, na ye noa yeɛ ɔfa pakye nu ka kyɛbɔ ɔkɔyɛ a okonya ngoa ɔ.

Yeti sɛ ebie konya gyidie a, ɔnate bɔ ɔkɔte naso, na bɔ ɔkɔte ne koso nate Kristo nwo dwirɛ so.

Na tworɔnzɛm ne ka kyɛ: “Ebiala bɔ okonya ye nu gyidie ne, ye sa ngosi ase.” Na nzonzonyɛ biala nne Yudaniɛ ne Greekniɛ nu. Awurade komapɛ nala yeɛ odi bɛ mukoraati so, na obukye yesa nu ma ebiala bɔ ɔfrɛ ye ne. Ná “ebiala bɔ ɔkɔbɔ Awurade dumaa kɔfrɛ ye ne, okonya ngoa.”

Na sɛ banzoma bɛ a, ɔkɔyɛ sɛɛ ne baha edwirɛ ne? Na kyɛbɔ bahworɔ ne: “Bɛ bɔ bɛka nningyein pa nwo nzɛmba ne, bɛ gya bo yɛ nyemene kyɛ.”

Nakoso, ɔkɔyɛ sɛɛ ne babɔ bɔ benne ye benni ne dumaa? Na ebie bɔ bɛtelle ye nwo dwirɛ ne, ɔkɔyɛ sɛɛ ne balɛ́ ye bali? Na sɛ ebie anga edwirɛ ne a, ɔkɔyɛ sɛɛ ne bate?

Na Kristo yeɛ ɔte mmeraa ne awieɛ ɔ, kyɛbɔ ɔkɔyɛ a, bɛkobu ebiala bɔ ole gyidie ne kyɛ ɔte teneneeniɛ.