Popular Bible Verses from Romanfoɛ 14

Share

Ofikyɛ Nyameɛ Ahennie ne, ɔtte aleɛ bɔ yɛkoli ne nzãa bɔ yɛkɔno, mmom ɔte tenenee, asomdwie ne anigye bɔ ɔnate honhom krongron naso. Na ebiala bɔ ɔsõ Kristo wɔ sɔ atee he aso ne, ɔsɔ Nyameɛ nye, na mmenia koso de ye to nu.

Sɛ yɛte ase a, Awurade ti yeɛ yɛte ase ɔ; na sɛ yɛwu koso a, Awurade ti yeɛ yawu ɔ. Yeti, sɛ yɛte ase oo, sɛ yawu oo, yɛte Awurade deɛ.

Yeti, ɛmɔma yɛfa y'adwene yɛsie nningyein bɔ ɔfa asomdwie ba ɔne nningyein bɔ ɔhyɛ ngunaen naso.

Yeti, nnɛmɔ maa yɛ nu biala bu ye mmango atɛn kõ, mmom ɛmɔsi ɛmɔ adwene pi kyɛ, ɛmɔngɔfa sintidua anaa akwansideɛ biala bɛngɔto aliemaa biala nyunu.

Bahworɔ kyɛ: “Awurade nwa nyoo, ‘Nde ase ye de, Me yeɛ nangoroma biala kobu ndwerɛ wɔ me nyunu ɔ; na ebiala kɔye Nyameɛ ayɛ.’ ” Yeti, yɛ nu biala kobu ye bɔbɔ ye ngondaa kohyire Nyameɛ.

Sona bɔ ye gyidie yɛ mmerɛ ne, ɛmɔle ye bɛto nu. Na bɛ bɔ ɛmɔ ne b'adwene nnyia ne, nnɛmɔbu bɛ atɛn.

Wɔ yeɛ ɛle nwa bɔ ɛbu ebie akoaa atɛn ne? Sɛ okogyina oo, okofi ase oo, ɔwɔ ye bɔbɔ ye wura berɛ. Na okogyina koso, ofikyɛ Awurade kɔhora kɔmaa okogyina.