Popular Bible Verses from Romanfoɛ 8

Share

Yɛse kyɛ, nikye biala nu ne, Nyameɛ yɛ nningyein pa ma bɛ bɔ bɛdɔ ye ne, bɛ bɔ ye atirimbɔ ti, wafrɛ bɛ ne.

Na nne gyidie paa kyɛ, ewue anaa ngoa, abɔfo anaa awaen, nningyein bɔ ɔwɔ berɛ kesaalae anaa bɔ ɔkɔwa kyẽabie, tumi, nningyein bɔ ɔwɔ anwuro anaa nningyein bɔ ɔwɔ ase biala nne berɛ bɔ ɔkɔhora kɔte yɛ kofi Nyameɛ dɔ bɔ ɔwɔ y'Awurade Kristo Yesu nu nanwo ɔ.

Na sɔ ala yeɛ honhom ne boka yɛ, mmerɛ bɔ yayɛ mmerɛ ne. Bɔ ɔte yeɛ ole kyɛ, sɛ yɛnnwu nikye bɔ yɛbɔ ye nwo mbaeɛ po a, honhom ne bɔbɔ si yɛ gya nu serɛ ma yɛ mmerɛ bɔ yɛsu yɛgua yɛ nu ne.

Ye de, nzu bieku yeɛ yɛka yɛfa ɛhemɔ nwo ɔ? Sɛ Nyameɛ ta yɛsi a, nwa yeɛ ɔkɔhora kɔhõ kotia yɛ ɔ?

Yeti bɛ bɔ bɛwɔ Kristo Yesu nu ne, benni fɔ kõ.

Adwene bɔ ogyi anwoɔnaen nu nningyein so ne, ewue yeɛ ɔfa ba ɔ, nakoso adwene bɔ ogyi honhom nu nningyein so ne fa ngoa ne asomdwie ba.

Nakoso, sɔ nningyein hemɔ mukoraati nu ne, yɛnate bɔ ɔdɔ yɛ naso ali ngunim koraa.

Nakoso menwu ye kyɛ amaneɛ bɔ yɛnwu ye kesaalae ne, sɛ yɛfa toto anuonyam bɔ bɛkɔfa bɛkɔma yɛ nanwo a, ondwu ye neka-fee.

Nzu yeɛ ɔkɔhora kɔte yɛ kofi Kristo dɔ nwo ɔ? Aso amanehunu, ahokyere, ɔtaeɛ, ɛhɔen, adagya, asane, anaa dadeɛ kɔhora kɔte yɛ kofi ye nwo hɔ?

Na bɔ ɔnea ahone nu ne se bɔ honhom ne pena kyire ɔ, ofikyɛ bɔ Nyameɛ pena ne, ɛhene ala yeɛ honhom ne srɛ ma akrongronfoɛ ne ɔ.

Ofikyɛ bɛ bɔ bɛmaa Nyameɛ honhom kyire bɛ atee ne, bɛte Nyameɛ mmaa.

Ofikyɛ bɛ bɔ bɛnate anwoɔnaen nu ne, bɛfa b'adwene besie anwoɔnaen nu nningyein so, nakoso bɛ bɔ bɛnate honhom nu ne fa b'adwene sie honhom nu nningyein so.

Ye bɔ ɔwa po, wamva ye wammɔ yɛ atianu serɛ, na yɛ ti, ɔfale ye mane ne, aso ɔngɔlo yɛ ngɔfa nikye biala ngɔboka ɔwa naso ngɔma yɛ anaa?

Honhom ne bɔbɔ ne yɛ honhom di adanzeɛ kyɛ yɛte Nyameɛ mmaa. Sɛ yɛte Nyameɛ mmaa de a, yɛkoli bia. Amba, yekonya agyapadeɛ yɛkofi Nyameɛ berɛ, ná yɛne Kristo koso kɔbonu koli bia, nakoso sana yɛne ye nwu amaneɛ, kora ne bahyɛ yɛne ye anuonyam.

Ɛhe ati, sɛ ebie fa y'adwene sie anwoɔnaen nu nningyein so a, okyire kyɛ ɔte Nyameɛ tamfo, ofikyɛ ondie Nyameɛ mmeraa, na ɔngora nyɛ sɔ po.

Ná abɔdeɛ né nwondɛ paa kyɛ bɛkɔla Nyameɛ awa ne ali.

Na yɛse kyɛ abɔdeɛ mukoraati pene, na banwu amaneɛ tonn maa waadwu ɛnɛ.