Popular Bible Verses from Lukas 12

Share

Laina bena re mew, mew nane fsiap turus, ningalena Smate ta mali sorogai malica bo nlafo hawe mali oras ta mew osta fto pa.”

Ta mafiana, mew fiyawa Jou Lahatalla to bo I nkawasa ndadi kolano mali nimew tubca. Fare laina, Jou Lahatalla osta npo ndumi ahai ta mew fparluna.”

Gabe Yesuse nmauting lali smat lalo ta en manana, “Fpei famafia fare fjaga nimew dirica famafia, matina denabe nlafo mew pa re ahai ta namewna. Ningalena smatna rtubna mali aratana be pa makse smatca ni re na.”

Ya iku laina ningalena manca nimew aratana en, mana bena mew wlomewna.”

Gabe laisa wlomewna ncusa re nimew tubca wol de wol, mew osta falanga okoce nimew umurna? Bisa pa o?

Gabe Yesuse nua ni muritna laitane, “Gabe tina, Ya ikuwa mew: mati wlomewna ncusa re nimew tubcana, ahai ta mew bo ffanna, fare ahai ta bo fpake mali nimew diricana.

Laina bena mew, mati famcaitna, ningalena mew foloi mali mani budubadang tina, denabe uta ta mali boboko mewna Jouca nto nilalona.”

Yesuse nu hawe, “Mew ta fderera Yana falal pa, fatailo laisa domba gagaw isa. Ga makse laina mew mati famcaitna! Ningalena nimew Apaca ncangnangna gaole mew bo farerer re I fkawasa laisa Kolanona.

Co mew ftarokira mani gokgokna. Mani tina rcake gei pa, fare rfakati pa, fare riri gagaw pa bo dising anna, ga Jou Lahatalla nfatub si. Taga bo mew! Mew foloi mali mani tina!

Gabe, inanai to mati wlomewna ncusana re ahai ta mew bo fan fare ahai ta mew bo fdomna.

Mom ta mali betina bere, Jou Lahatalla neyan fare npei famafia, naga mom tina en wol tae be, fare mdoma bo rtaping. Ga bo mew smatna, osta Jou Lahatalla neyane mew fare nfamafia nimew tubca. Ga mfalaisa mew fdela I uatu pana?

Ga ahai ta oras tae fgoganna, osta smatna bo rto, fare farumi ta fgoganna osta ncapang.