Popular Bible Verses from Lukas 6

Share

Mew nane flokolo foce smatna okosesi, bo Jouca ma noce mew bena. Ngisngis ta nmafia Jouca bo npo mew, tina laisa smat ta rngis pinge denabe ngisngisca nbakbak, fare ntibe i bo nfaifif taga nbang hawe denabe nmaraepa. Gabe laisa mew ffaocena okoce be, Jouca ma osta noce mewna ma okoce be. Gabe, laisa mew ffaocena lal, Jouca ma osta noce mewna lal bena.”

Laina bena smat ta rmafiana. I ni mautingna, fare ta i npei tina mafia, ningalena ta mali wlona okosesi ta mafia. Ga smat ta rmayaina, i ni mauting fare ta npeina mayai, ningalena ta mali i wlonana okosesi ta mayai. Ningalena ahai ta smat cia nuna mafia pare mayai, farumi tina ncapang mali smat cia wlona.”

Ga mew mati fpei lainana! Mew nane fmasiye nimew musuna fare fpei ta mafia lali sili. Mew ffabao si ahai ta me namewna, fare mati fmaulango bo rfaweo mew hawena. Gabe laisa mew fpei laina, mew osta fduk sagige mulona mamagal. Gabe laisa mew fpei laina, mew osta fdadi laisa Jou Lahatalla ta tigoca ntu mew. Ningalena, Jou Lahatalla ni mafiana mali farumi smat, makse si wlorina mayai fare rto pa rdor tarima kasena.

Mew nane faeme nimew masiyena lali smatna, laisa ite Hmar ta mali sorogaica nfaeme I ni masiyena lali farumi smat.”

Yesuse nu hawe, “Mati mew ffasala smate nesanana, bo Jou Lahatalla ma mati nfasala mewna. Mati ffasale smatna, bo Jouca ma mati nfasale mewna. Fampunge smatna bena, bo Jouca ma nampunge mew bena.

“Ga mew ta flonga Ya oras taena, Ya bo ikuwa mew laitane: mew nane fmasie smat ta wlori lolo mew pana, fare fpei ta mafia lali smat ta riri le mewna. Fsombayange bo fdor Jou npo ta mafia lali smat ta rcasi mewna, fare fsombayang si bena smat ta wlorina mayai lali mewina.

Ga ahai ta mafia ta mew flokolo smatna rpeo mew, tina to ta mew nane fpeo smate nesana.

Gabe laisa smat isa naspakale ngengeo mew paona, fpo hawe paona. Gabe laisa en smatna rcefto nim jubana, mfabiar i to nyale nimew kabayaca. Gabe laisa en smatna rdor okosesi lali mewi, foce i to ahai ta i ndorna. Gabe laisa en smatca ncefto nimew okosesina, fabiar i to, mati mew fowla hawena ahai ta i ncefto tina.

Yesuse nu andeande isa hawe, “Ai ta nbokaca bisa pa bo piyona mayaina. Laina bena ai ta nboka paca, bisa pa bo piyona mafiana.

Smatna osta rto, ai ohlo aisa nmafia pare nmayaina mali piyona. Ga osta enpa tkati ara piyo mali ai ta ni soganana, fare osta bisa pa tkati anggur piyona mali mom ta ni soganana.