Popular Bible Verses from Matius 6

Share

Ta mafiana, mew fiyawa Jou Lahatalla to bo I ta nkawasa ndadi kolano mali nimew tubca, fare fpei ta molang mali I nbona. Re laina, Jou Lahatalla osta npo ndumi ahai ta mew fparluna.

Gabe, mew mati wlo mewyancusana ahai ta bo ndadi i mdomana, ningalena mdoma ni mularatna nesa bena. Nlafo ito mularat ta mew fbasam wol pusa taena, mati fikir wol ta mdoma tae ni mularat nana.”

Yesuse nu hawe, “Gabe tina, flolam famafia ta Ya bo ikua mew tane, mati wlomewyancusana re nimew tubcana, ahai ta mew bo fan fare ahai ta bo fdomna. Mewe ma mati wlomewna ncusa re nimew badan cana, ahai ta mew bo fpakena. Mew fto nimew tub cia npentingna foloi mali ahai ta mew bo fan fare fdomna. Fare nimew badan cia npenting foloi mali pake ta mew bo fpakena.

Ga laisa mewe bo fsombayang, fsung namul nimew kamar i fkait bawa, taga fsombayang lali nimew Apa ta smatna demi pa cia. Gabe laisa mew fpei laina, mew nimew Apa ta smatna demi pa cia, osta nbalco re ta mafiana lali mewi.

Gabe, laisa mew bo fsombayang, fsombayangna laitane, ‘Animam Apa ta Aw mali soroga i, farumi kfamamagal Apa. Ame kdor Apa mlafo bo mkawasa mdadi Kolano mali nimam tub tae. Biarega farumi ta Apa mailowna ndadi i mali dunia tae, laisa re ta ndadi i mali soroga i.

Mpo am an mali wol pusa tae.

Fare mampunge nimam salna, laisa re amam kampunge smat ta rcal mali amamina.

Ga mati mfabiar ame bo kpei okosesi ta mayaina, ga mowe ame to mali okosesi ta mayaina. [Ningalena Apa ta mdadi Kolano, Apa ta nim kawasa, fare ta mafiana amame kfamamagal Aw fare ksuba Aw denabe lali. Fatutua fare molang.’]

Gabe laisa, mew fampunge smat ta rpei sal mali mewina, nimew Apa ta mali sorogaica ma osta nampunge mew.

Co mew ftarokira mani ta dopana! Mani tina rcake gei pa, rfakati pa, re disinge rari an pa, ga hma mew ta mali sorogaica nfaseli si. Ahai ga mew! Jou Lahatalla n'gogoru mewna gaole foloi mali mani tina?

Yesuse nu hawe, “Mewe mati fayalo arata mali dunia ina ningalena gigoap fare kacenna bo nfamayai, fare smat ta rmaloisna faparparle ga jal arata tina. Ta mafiana nimew tubca fpake i bo ffpei be ta Jou Lahatalla wlo lolona. Gabe mewe fpei laina, tina laisa mewe fayalo arata mali sorogai. Gigoap fare kacenna bisa rfamayai pa arata tina fare smat ta rmaloisna bisa rfaparparle pa bo jalna arata tina. Ya iku laina ningalena manca me nimew aratana en, mana bena mew wlomewna en.”

Enpa smat isa nkarajanna bahnga be mali tuan siluna, ta molangna i osta nlonga be ni tuan isaca, taga ta isaca i nlonga i pa. Laina bena re mew, gabe laisa mew ftubna fayalo be arata mali dunia tae, mew fkarajanna fatutua pa bo Jou Lahatallana.”

Bunga ta mali betina bere Jou Lahatalla neyan fare nfamafia, naga bunga tina wol pusa tae en, mdoma mang fare rtaping i to. Laina bena re mew smatna, Jou Lahatalla osta neyane mew fare famafia nimew tubca. Pesaga mewe fdela I uwatu pana?

Ga laisa mewe bo ffaoce okosesi lali smat ta riri re rari pana mewe ffaocena mati lio mewna. Tina laisa ahai ta kakamo mew welana npo, kakamo balitna mati ntona. Laina to smate nesana rto pa mew ffaoce okosesi lali smat ta riri re rari pana, ga paisapa nimew Apa ta mali sorogaica nto. I neme mew fpei lainana, gabe I osta nbalco mew ta mafiana.”

Yesuse nu hawe, “Flolam famafia! Mdel pa ta bo mew fpei okosesi ta molang mali smatna rbona bo si dem taga rfamamagale mew. Gabe laisa mew fpei laina, mew osta fduk sagige mulo pa mali nimew Apa ta mali sorogaica.

Yesuse nu hawe, “Gabe laisa mew fpuasa, mati faeme uhngo mew ta gugufanana laisa smat ta rmadarawana. Si rfaem laina bo smate nesa nem si rpuasa gabe rfamamagal si. Mewe flonga famafia e! Taitail ta si rduk mali smat tinana, tina to si rari sagige mulona. Ga laisa mewe fpuasa, famafia nimew utana fpake egat, fare fauwase uhngo mewna bo fberesi, bo smate nesana rto pa mewe fpuasa, ga nimew Apa ta smatna demi pa cia ta nto. Gabe laisa mewe fpei laina, mew nimew Apa ta nem cia, osta nbalco mew ta mafia.”