Popular Bible Verses from Markus 12

Share

Yesuse nua si laitane, “Parenta ta nfoloi cia laitane: Smat Israelna, mew flonga famafia, Jou Lahatalla cia ite rir Jou i, I cia isa be. Mewe nane fatutua fmasie Jou Lahatalla, mew nimew Jou i. Mew fmasie i na foloi mali farumi ta mewe fmasiena, re ni lalingna flolam I, fare fpo nimew cicoalna bo fpei ta I nailowna. Parenta ta failuca laitane, ‘Mewe nane fgogoru smate nesana, laisa re mewe fgogoru nimew dirica tutuling.’ Enpa parenta nesa ta foloi mali parenta silu tasine.”

Gabe Yesuse nololawe ni muritna taga nua si laitane, “Flonga famafia e, mali Jou Lahatalla nbona, balo ta ni re na pa tae npona foloi mali farumi smat ta rtopa sadakana mali kibiya sadakaca. Ningalena, smat ta riri re rari tane, biarega si rpo tiwina lal, ga si riri tiwina welana lal sube. Ga balo tae, biarega i ni re na pa, i npo ndumi to ni tiwina bo i ni tubca.”

Fola tina, Yesuse ntotolang nbo kibiya sadakaca taga ntarokira smat ta rtopa riri sadakana. I nem smat ta riri re rarina lal rtopa riri sadakana lalna gaole. Yesuse ma ntarokira balo isa ta ncusa nlafo nising ni sadakaca mali sadaka gagao cia. Ga balo cia ni sadaka tasa tiwi sen silu.

Ite nane fatutua tmasie Jou Lahatalla, ite rir Jou I. Ite nane tmasie I fare ni lalingna wloryaneto I, fare tpo rir cicoalna bo tpei ta I nailowna. Fare it bena nane tmasie smate nesana laisa re ite tmasie rir dirica ntutuling. Farumi tina foloi mali farumi aiwani ta tpo sadaka fare sadaka ta nesana.”

Gabe Yesuse nua si, “Fpo to lali kolanoca ahai ta mewe nane fpo kolanocana, fare fpo to lali Jou Lahatalla i ahai ta mewe nane fpo lali Jou Lahatalla Ina.” Rlonga tina, si rherangna gaole.