Popular Bible Verses from Markus 2

Share

Yesuse nlonga si du tina, I nua si laitane, “Ga smat ta rcehatna pa, ta rparlu mamana, ga smat ta dowilna, tina ni ngale, Ya ilafo bo ikololaw smat ta damolangna pa, ga Ya ilafo bo ikololaw smat ta nbaradosaca bo rderera Ya.”

Oras ta Yesuse nem ahai ta si rpeina, Yesuse nto si rdela I. Fare Yesuse nua smat ta nfanfan pa cia, “Tenok taw, anim dosana Ya ifayangise to.”

Yesuse nmauting hawe lali sili, “Wol sabat cia, Jou Lahatalla npei bo smatna rfafolfola si, enpa ta bo ndadi kangela i bo smatna rderera.

Ga smatna lalna uatu, gabe smat cia duti lali Yesus I pa. Si rcalawe ebaica ni ta puisona, neta mali Yesuse bobokoca nais. Nmasalawe to, si rfadurea smat ta nfanfan pa cia, bahnga be re ni musala ta npake namtulo ica.

Gabe oras tae Ya bo ifamafia i bo mewe fto, mali dunia taena, Smat ta mali Sorogaica ni kawasa bena bo nampunge smatna riri dosa.” Gabe Yesuse nua smat ta nfanfan pa cia, “Ya ikua aw, mpalinge to, mlange nim musalaca, muwe to lali nim ebai!”

Oras ta Ya ikua smat ta nfanfan pa tae, ‘Anim dosana nduk ampunge to,’ mewe fdelana uatu pa smat tae ni dosana nduk ampunge to. Gabe laisa Ya iku, ‘Mpalinge bo mlange nim musalaca fare mfane to,’ mewe osta fto Ya nik kawasa ningalena mew osta fem i nfane to.

Gabe smat ta nfanfan pa cia npaling, tina to nlange ni musalaca taga ncapang natalil ndel mali smat laloca nbona. Farumi smatna rgarayane ndumi, gabe si rfamamagal fare rcuba Jou Lahatalla fare du laitane, “Momofia pa, bahnga paube bo ite tem ta mfalainana.”