Popular Bible Verses from 1 Korin 12

Share

Nono mudu swara swarade God kogonmo eraiglmedi God Murubuglo yobuglo norukwa i, nono swara swarade kogon norabere i erumun, akie wakai moramga pre norukwa.

Ana na ogono nagino pre diga i, yegl pre diga, yoba ogo nagie mina gumuglo paugo, guma dra paugo, ogo kagle paugo, pere pere paigwa ba ye u swara pi, ogo nagie swara pamere kuno yegl, God ene kogon te pere pere edugwa, ba ene mudu u swara pi, Krais ogo nagie mere yegl meglkwa.

Te, nono kamga, ogono nagino bage swara ta giugl pran, ogono nagino mudu akie giugl prabuka. Mo, yoba ta ere mogl, nono gumano drano mo ogono nagino bage swara ta wakai kanibi, nono ogono nagino mudu wakai kanigwa mere yegl paugwa pre gun yenamga.

God Murubuglo ere mogl, yoba tau ye agroma abaroma nomane wakai tenaiglmedi nomane podo togwa. Te, God Murubuglo swara i ere mogl, yoba tau God kamo pre pogl sidre, di nogugl edinaiglmedi nomane togwa. Te, God Murubuglo swara i ere mogl, yoba tau God yobuglomo gigledi pre medraiglmedi ersre, te yoba tau ye yoba kide sinaiglkwa i ere wakai eraiglmedi togwa. God Murubuglo yegl ersre, yoba tau kimagl eraiglmedi yobuglo tedre, tau God kamo kep ere dinaiglmedi tedre, erukwa. Te, yoba tau yoba ta God kamo dumne digwa i ye pre yubu sinaiglmedi nomane togwa. Yoba God kamo dumne digwa i, God Murubuglo nomane togo, dimo mo Satan nomane togo, dimo mo i, ye yoba tau pre yubu sinaiglmedi nomane togwa. Tedre, ye yoba tau ka pere pere mina ka dinaiglmedi tedre, tau ye ka digwa i prisre, yake tenaiglmedi togwa.

Kogon kane kane yegl paugwa ba God Murubuglo swara i, ere mogl, yene prumere yoba swara swarade nomane ya yobuglo togo, ye kogon pere pere yegl erikwa.

Ye nono ogono nagino yegl beke yei norukwa i, ogono nagino i, u pere pere pikre, swara padre, ake ple di ikne ikne edidre, kogon akie eraiglmedi beke yei norukwa.

Ana God Murubuglo nono God kogonmo eraiglmedi yobuglo ya nomane noro pere pere edugwa ba ye swara kaima moglkwa. Te, nono God kogonmo ere pere pere edumga ba nono Yaglno Kade swara moglkwa. Nono kaima yobuglo ya nomane pere pere idre, kogon ere pere pere edumga ba nono pre pogl sinamga i, God swara nono mudu nomane ya yobuglo norukwa.

Ana nono God yugobunomo swara munga i, ye nono kogon yegl mere noro pere pere edugwa, ye komono kana yoba tau ye Jisas dedugwa yoba moraiglmedi tedre, okuo yoba tau ye kamo kep yoba moraiglmedi togwa. Te, mokomugl i ama yoba tau ye kamo yoba beke tenaiglmedi kogon togwa. Ye yegl ersre, yoba tau kimagl eraiglmedi tedre, tau yoba kide sinaiglkwa ere wakai ere tenaiglmedi tedre, tau yoba ake ple di tenaiglmedi togwa. Te, ye yoba tau kogon sugl yoba moraiglmedi tedre, tau ka pere pere mina ka dinaiglmedi togwa.

Na di kodiga, Yoba ogono nagino swara paugwa ba ogono nagino swara i mina gumuglno paugo, gumano drano paugo, ogono kaglno ya ki paugo, pere pere paime diga.

Ogono nagino mina bage ta yobuglomo ta paikrumedi pramga ba bage i ta paikran, wakai ta moglkramga.

Nono kinano ta paikran, gumuglno swara keme panan, siragl mere ka pramne? Mo, nono gumano ta paikran, kinano keme panan, nono taragl demene erabuka i, siragl mere pramne? I ta kuno erekrabuka ba God yene wakai prumere ogono nagino pere pere padre, kogon pere pere eraiglmedi beke padigl norukwa. Ogono keme panan, kaglno ta paikran, ogono nagino we dinamga kuno erekrukwa. Te, kaglno keme panan, ogono ta paikran, ogono nagino we dinamga ama kuno erekrukwa.