Popular Bible Verses from 2 Korin 12

Share

Ye di prika ba ye kide i eglke ede narekre, yegl di narukwa, Na ene yoko kaima ere wakai ere teiga mabuno i, ene si gigle di tenabuka kuno erukwa. I siragl pre na yobuglna podo paugwa i, yoba ta yobuglo kogl paikrukwa igne, na yobuglna ye moglmara si kau si tomiwe dugwa. Ye yegl di narukwa pre na ege ege yobuglna kogl paikrume dinagledi prika. I siragl pre na yegl moraglka igne, Krais yobuglomo na bi di narabedi prika.

Yegl prika pre na yobuglna paikruko, yoba na kagna ere kide ersre, na ere kide ere naramnedi erikwa mo na Krais kogonmo erimara i pre yubun kane kane plau dugo, giugl primara i pre na gun yeiga. I siragl pre na yobuglna paikrukwa igne, God yobuglomo idre, adigl gigledi moglka.

Ana taragl yegl mere na moglmara plau dugwa pre na kagna ake mitna edenagledi pribo, kuno erabuka. I siragl pre na kagna ake i mitna edenaglka i, na du ka mere yegl ta dikrika. Na ka kaima diga. Na i mina kagna kade inaglka ba na mabuno siragl mere ersre, ka siragl mere dimara i mina yoba kandre, Jisas kogonmo yoba kaima ta moglmedi praiglmedi prika. Yegl pre na kagna ake i mitna edekraglka ba na yobra kogl paikruko, siragl mere pamere i keme dinaglka. Ana God taragl kane kane na moglmara i nogugl ede narukwa i mina na mogl mitna ede dinatnedi God kanige eruko, Satan ye na ogona nagna mina kide ta na sinabedi eruko, kide i na sugwa.