Popular Bible Verses from Oknayene Ibo 13

Share

Ene dumo makan mudu kanga i we, na ene ya ene gawanma mudu tenaglka. Tebo, ene makano aimadi kamun yenabuka.

Ana Lot ye Abram moglmara kide kodidre, ede pi kodugwa igne, Yawe ere mogl, Abram yegl di togwa, Ene we, ene igle mogl, kan ade umara kra ede, beimara kra ede, nigl bre kra ede, nigl beye kra ede, ero!

Te, na ama ene gawanma pi kaugl mere yegl, mere kide moraiglmedi ere edenaglka. Ere edibo, meglbi, yoba ene gawanma kerenaiglkwa kuno erekrabuka. Pi kaugl kerenaiglkwa kuno erekrabere yegl mere kuno erekrabuka.

Yegl paugwa pre Abram ere mogl, Lot yegl di togwa, Nono bormai swara muglka pre kigl nonga ta dikrabuglka. Te, nono aglno buglano sugl meglkwa yoba ama nonga ta dikraiglkwa paugwa.

Yawe ka yegl di kodugo, Abram ere mogl, sel yugumo terke i ede pi dumo ta Hebron we dimara pidre, kipaugwa. Ye kipamara, ede ok tau paigwa, yagl ta kagie Mamre we digwa edemo paigwa. Abram kipadre, kobuglo bogl ta kugl, Yawe tawa tenagledi ere yogwa.

Abram yegl dugo, Lot kanugwa, nigl Jordan omara ede pi taun ta Soar we dimara i dumo wai wai yedre, dumo mudu kugl togwa yogwa. Dumo i, Yawe dumo wakaile ere yogwa ikra yomere mere yedre, dumo Isip ama yomere mere yogwa. Dumo i, Yawe taun suo Sodom ya Gomora ere kide erekrukwa igne yegl yogwa.