Popular Bible Verses from Jon 13

Share

Ana erme na ene lo kor ta duglo boraiglmedi teiga. Lo kor i, yegl paugwa, Ene deno muduno ikne ikne teo. Na dena muduna ene teimere kuno yegl mere, ene deno muduno ikne ikne teo. Ene yegl eribi, yoba mudu ene kandre, ene na duglo beglkwa yoba meglmedi kanaiglmiwe di, Jisas yegl dugwa.

Yegl paugwa pre na Yaglno Kade moglsre, Tisano moglsre, erika ba na mogl atne ede, kaglno nigl ediga panan, ene ama mogl atne edidre, kaglno ikne ikne nigl koraiglkwa tenaiglkwa paugwa. Ere teimere yegl mere duglo boglsre, erio dugwa.

Dugo, Jisas di ikne ede te, yegl dugwa, Ene na siragl erme erika i, ene pre pogl sikre diniba okuo pre kan eratniwe dugwa.

Jisas yegl didre, ama yegl dugwa, Na ene ka kaima di teiga, Nigl kogon yoba ta mogl mitna ede, ye yaglmo kade egre atne edekrabuka. Te, dedugwa yoba ta morabuka i, ye yoba ta ye kogon dedugwa i, ama egre atne edekrabuka. Atne morabuka.

Ene mabuno i, pre kan ere, duglo beglbi, God ene ere wakai ere tenan, gun yenaiglmiwe dugwa.

Ye pre kodumara i mina ye ame di meglmara i, adigl, ye gaglmo olto gugl edidre, taul ta yogwa i pre padigl, ye nigl tau toide dis mina ede, ye duglo beglkwa yagl kaglno nigl kogl togwa. Nigl kogl tedre, ye taul pre paduglkwa i mina nigl koko ede te ugwa.