Popular Bible Verses from Jon 7

Share

God kamo dumere mere, yoba ta na pre medrabuka i, dem muduo mina nigl ogo mere yegl bogl pai mogl, kau sinan, nigl mere kide pepigl di ede meda enabiwe dugwa.

Ana Juda yoba egeno kade dudunabuka magigl eruko, ye ege swara kaima makai si moglsre, tagana ede pere pere enaiglkwa ege i, ege kade kaima yogwa. Ege i Jisas yoba makai si meglmara suna adigl moglsre, ye ka podo di, yegl dugwa, Yoba ta nigl goran, ye ede u na moglmara udre, nigl kor nenabuka paugwa.

Ana Jisas nigl kor pre dugwa i, pre mediglkwa yoba okuo Mudu Murubuglo inaiglkwa pre dugwa. Igne i, Jisas ede ikne heven ibo pidre, abuglagemo podo sumara moglkrukwa pre ye Mudu Murubuglo ikrikwa.

Na kogon erika i, ene enene primere kan yubu sigwa i, kodo, mabuno kaima pamara ime kandre, yubu sio! di, Jisas yegl dugwa.

Te, ene prio. Yoba ta yene prumere ka beke tenabuka i, ye yene kagie kade inagledi prukwa. Ba na yoba ka beke teiga i, God na dedugwa i, swara kagie kade inabedi pre erika. Yegl pre na ka kibi dikre, ka kaima keme diwe dugwa.

Digo, Jisas prisre, di ikne ede te, yegl dugwa, Na yoba ka beke teiga i, na nana primere ta beke tekrika ba God na dedugwa i, yene prumere keme yoba ka beke te moluwa.

Makandigle yoba na deno kubro narikwa ba ene ta tekraiglkwa. I siragl pre ye mabuno kide erikwa di pogl teiga.