Popular Bible Verses from Luk 12

Share

Kuno yegl mere ene aimadi sugl kan molo. I siragl pre na Yoba Wam moglka i, aunake unaglka i, ene ta pre kan erekrimiwe dugwa.

Ba ene God yoba kingno mogl, suglno morabuka i, ake gumano kagle edibi, God makandigle taragl ta inaiglkwa panabere mere tenabiwe dugwa.

Jisas yegl di tedre, yoba mudu magigl meglkwa i, ama yegl dugwa, Ene kan kun erio! Taragl kane kane bubuno gogl dinaiglmiwa! Yoba ta kor mogl, gun yenabuka i, ye taragl mere kide bona sinabuka i pre ta gun yekrabiwe dugwa.

Ene dumo aglo mere ta bona sinaiglkwa i, dumo i keme ene nomano mina kau sinabuka pre heven ibo keme bona sinamnedi erio di, Jisas yegl dugwa.

Ene siragl mere wakai mogl pai eraiglkwa pre ege ege nomane sibi, ene bugla yuguno ere i olto edinaiglmo?

Ana Jisas ka yegl di kodidre, ye duglo beglkwa yoba yegl di togwa, Ana na ene ka ebrie di teiga i, ene pre epigl ersre, erme makandigle siragl mere mogl pai eraiglkwa i, pre yubun dekrio. Ene kaya mokna siragl mere nenaiglmere mo kuguglno gaglno siragl mere edinaiglmere kaima nomane sikrio.

Ye kua kebra sugl wakai moglkwa pre ene yoba meglkwa i, taragl kade munedi prisre, God no bitno yugo swara swarade wakai ere, kere kan kodidre, no suglno wakai moglmedi prisre, yoba swara ta kuduglmo goglkrio! dugwa.

Ana Jisas ka ta ama yegl dugwa, Ene na sipsipna yugobuno kebra meglkwa i, kudugl goglkrio. I siragl pre ene Neno moglkwa i, ye king mogl, yoba suglno morabara ene tebo, inatnedi wakai prukwa.

Kua kotkot meglkwa i, ene prio. Yene kaya mokna ere yagl, si nenaiglkwa i pre nomane sikrikwa. Ba God kua wakai moraiglmedi suglno moglkwa i, no yoba munga i, siragl podo pamedi prisre, no wakai kaima suglno morabedi praiglmiwe dugwa.

Jisas yegl didre, ama yegl dugwa, Te, ene kaya mokna siragl mere nenaiglkwa mo nigl siragl mere nenaiglkwa i pre yubun dedre, dokokraiglkwa.

Kugl ege sugunagle paigo, yoba kugl kuba sidre, ere gaiglkwa ba yoba taragl kade paugwa. Yegl pre God kugl ekino togwa panan, ene siragl pre God kugugl gagl norokrabedi prime? Ene God pre mediglkwa i, gigle dikrume dugwa.

Ba ene prio, taragl kane kane ta atne teke yogwa i, mudu u nogugl enan, yoba pre pogl sinaiglkwa.