Popular Bible Verses from Luk 17

Share

Jisas yagl i yegl di togwa, Ene adigl, ede po. Ene na pre mediglnga pre ene ogon nagn erme u wakai omiwe dugwa.

Te, ye ege swara mina ene ege 7-pela taim mere aglau ere tedre, ege 7-pela taim mere ene motnara u, Nomana yake teiwe dinan, ene ye tadaglmemo kide kodo te pai moglo di, Jisas yegl dugwa.

U wakai ogo, yagl swara ta ogona nagna u wakai omedi kandre, God kagie kade tenagledi ka podo didre, ede Jisas moglmara ogwa. Ye u Jisas kagle mina yage kobragai padre, ye di wakai yei togwa. Te, yagl i, Samaria yagl ta moglkwa.

Ene agitn tadaglme ta eran, ene aglau etniwe di to. Ene di ten, ye nomane yake tenan, ye tadaglmemo koko ede to.

Ana Jisas yagl i kandre, yegl dugwa, Na prika i, yagl 10-pela ogono nagino u wakai omedi prika. Yagl 9-pela meglkwa i, tau ede aglo eime?

Yegl digwa ba Jisas tabre di ikne ede te, yegl dugwa, Ene pre mediglkwa i, kebra panan, ene ama taragl podo eraiglkwa. Ene pre mediglkwa i, mastet mogo ta kebra kaima yomere yegl panabuka ba ene pre medigl moglsre, ede ta magigl paugwa i di te, Ene duglanen bogl makan magigl i kide kodo, ede mudi nigl suna ibo po ta dibi, ene dinaiglmere mere erabuka pamiwa.

Yoba ta makandigle mogl kor moragledi eran, ye gorabuka. Ba yoba ta Na goraglka i, taragl kebra yomedi pran, ye kaima kor morabiwe di, Jisas yegl dugwa.

Ana Jisas ye duglo beglkwa yagl yegl di togwa, Taragl tau yoba yage sinaiglkwa pre plau dinan, plau dinabuka keme paugwa. Ba yoba ta ere mogl, yoba pere ta yage sinabedi eran, ye yubun podo inabuka. Gak kebra magigl meglkwa i, yoba ta yage sinabedi eran, ye yubun podo kide inabuka. Yoba ta ye nugu mina kobuglo podo ta kan kogl padigl, pia si mudi nigl atne edibi, yuwaglke panabuka ba God ye ka tage tenabuka i, podo kide panabuka.

Jisas yegl didre, ama yegl dugwa, Na Yoba Wam unaglka i, Noa egemo yomere yegl panabuka. Noa egemo yoba kaya mokna podo nedre, gun yei, abu idre, abroma yagl tedre, ere meglkwa. Ye pra munedi ere meglko, Noa ede sip yugugl ogo, nigl kamun podo sidre, ye mudu si goglkwa.