Popular Bible Verses from Matyu 26

Share

Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.

Yegl eruko, ye yagl suota i, yegl di togwa, Na dena muduna yubun podo dogo, na goraglka mere yegl paugwa. Ene magigl i ugl paikre, sugl wakai ere meglbi, moramniwe dugwa.

Yegl didre, kuri ta ede iro pi yage mage di, makan mina emine ere, kamage ere, yegl dugwa, Nina yo, na nigl kide ta kogl nedre, ibun inaglka i, konbauna ta yenan, i eglke ede naratnedi prika. Ba na nana primere ta erekraglka. Ene pitnere eraluwe dugwa.

I siragl pre wain nuglo i, na bormaina mere yegl yomiwe dugwa. Na ene yoba mere kumapno tenagledi bormaina suru ede meda edibo, God ka kaima ta okna di te paduglkwa ikra, ka kaima plau dinabuka. Plau dinan, ene tadaglmeno ama gugl ede tenabuka.

Ana Jisas duglo beglkwa yagl bogl kaya mokna ne meglko, Jisas bret ta idre, God di wakai yei te, bret i ake buko dugwa. Ake buko di, ye swara swarade nenaiglmedi tedre, yegl dugwa, Bret i idre, neo. I na nagna mere yegl yomiwe dugwa.

Ana Jisas kap ta wain nuglo atne moglkwa ama idre, ye duglo beglkwa yoba nenaiglmedi tedre, yegl dugwa, Kap swara i mina mudu neo.

Ana Jisas kamage yegl ere kodidre, ede u ye duglo beglkwa yagl suota meglmara udre, kanugwa i, ye ugl pai meglko, kanugwa. Kandre, Pita yegl di prukwa, Ene aua swara keme kor meglbi moramga i, kuno ta erekrumo?

Te, na ene di teiga, Na erme nigl wain nekre mogl ebo, na Nina yoba kingno mogl, suglno morabuka egemo yenan, nono akie suna moramga igne, nono aglke kor akie nenamniwe dugwa.

Wi sugo, Pita ye Jisas ka dugwa ikra, pre moglkwa. Jisas ye okna yegl di togwa, Koduagle kumugl wi sikran, ene ege suota na ta pre kan erekriwe dinatniwe dugwa. Ye ka yegl dugwa i, Pita poglo di prisre, ede meda pi, kai podo erukwa.

Ene adigl ede wio. Yagl ta na i pi kudana ikne ogono mina yenabuka i, uma, kanio dugwa.

Yegl eruko, Jisas ye di te, yegl dugwa, Ene bainetnen ikne edo. Yoba ta bainet ake moglsre, kuda eraiglkwa i, ye ama bainet mina goraiglkwa.