Popular Bible Verses from Mak 2

Share

Yegl digo, Jisas prisre, di ikne ede yegl dugwa, Yoba kide sikrukwa i, ye dokta moglmara enaiglkwa kuno erekrumiwa. Ba yoba kide sigwa i keme dokta moglmara enaiglkwa kuno erukwa. Kuno yegl mere na yoba du munedi prikwa i, agle dinagledi ukrika ba na tadaglme yoba agle dinagledi wiwe dugwa.

Ede atne edigo, yagl wagle Jisas pre mediglkwa i, Jisas kandre, yagl kagle goglkwa i di te, Wana yo, ene tadaglmenen gugl ede teiwe dugwa.

God wakan kade i pere edugwa i, ye yoba mawagl pamara atne kane panaiglkwa pre i pere edekrukwa. Yoba wakan meglbi, ame wakai dinaiglkwa pre i pere edugwa.

Boglo ere i pi yugugl enamnedi eigo, yugugl ya yugu dramugl i yoba kau si, gagno bolamugl kaima meglkwa pre ye aglke ede u idaule pidre, idaule taragl tau terke i eglke edidre, yagl i gagle bogl ede atne Jisas moglmara edigwa.

Na ene yoba tadaglmeno gugl ede tekrabedi prikwa ba na Yoba Wam moglka i, yoba tadaglmeno gugl ede tenaglka i, kagna paugwa pre erme taragl ta eribo, kan pogl sinaiglmiwe dugwa. Jisas yegl didre, yagl ta ogo kagle goglkwa i yegl di togwa, Na ene di teiga, ene adigl, kuguglnen akidre, ede kipanara po! dugwa.

Na siragl ka dibo yuwaglke panabedi prime? Yagl kagle goglkwa i di tedre, Tadaglmenen gugl ede teie dibo, yuwaglke panabo mo yagl i di tedre, adigl kuguglnen akidre, konbauna ede po dibo, yuwaglke panabedi prime?

Yegl dugo, yagl i tabre kaima yoba gumuglno mina adigl, kuguglmo akidre, ede meda ogo, yoba kan meglkwa i, gagno koglsre, God kagie kade tedre, yegl digwa, Nono taragl yegl mere okna ta kankrumnere kamniwe di, yegl digwa.